في ‏تدوينة ‏ساخرة ‏عماد ‏دغيج ‏يعلن ‏مساندته ‏لسيف ‏الدين ‏مخلوف ‏

نشر عماد دغيج تدوينة على صفحته الرسمية فايسبوك أعلن من خلالها مساندته المطلقة لسيف الدين مخلوف ضد الهجمة الشرسة التى يتعرض لها حسب تعبيره.

وهذا نص التدوينة 

اساند و بشدّة الحملة الشرسة ضد المدعو Seif Eddine Makhlouf و اشد على ايدي الحاقدين عليه و جرابيع الفايسبوك و ادعوهم للتصعيد اكثر ضده ، فماش ما يفد و يقلق و يستقيل و هكا كالعادة  نولي انا الزعيم الاوحد لائتلاف الكرامة .

المشكل و اللي مقلقني اللي هذا مخلوف  جبل ما يتزعزع  :(   مخلوف ثابت عالمنهج و ما تتحركله حتى شعرة كي يبدا مؤمن بمبدأ واضح يحارب عليه حتى و ان كان الكل ضده .

يا جماعة  نشوفولو حكاية اخرى تقلقه خلي ينسحب لان هالحملات حكاية فارغة و اتزيد اتقويه  :'( .

برجولية ائتلاف الكرامة بدا يظهر و يبان على حقيقته ، حالة وعي مختلفة لا خطوط حمراء قدامها و لا قداسة الا للوطن ، الجماعة محضرين اكثر من عشرين مبادرة تشريعية و مالمبادرة الاولى بدا الضرب ، الائتلاف ينفذ ما وعد به ، و تقدم بمبادرة لدمقرطة العمل النقابي ، وحدة اخرى لتحرير الاعلام و لائحة جعلت الصبايحية يهيجوا و يقلك معادش فيها ، السيد  بالرسمي يطالب الدولة باش تطالب فرنسا بالاعتذار . 

يا سيف يا مهبول  لبلاد معبية بعبيد فغانسا و انت اتحب ماماتهم اطيح من خشمها و تعتذر للدولة الصغرونة تونس ؟؟ ربي يهديك و تستاهل  حملات اقوى و أقوى .