الدكتور ‏زكريا ‏بوقيرة ‏: ‏قرارات ‏وزيرة ‏الصحة ‏اليوم ‏مغالطة ‏كبرى ‏و ‏إذا ‏لم ‏نطبق ‏الحجر ‏الصحي ‏الشامل ‏فإن ‏أعداد ‏المصابين ‏بفيروس ‏كورونا ‏سوف ‏تواصل ‏الارتفاع.

في تعليق على حوار وزير الصحة اليوم الجمعة 25 سبتمبر 2020  في برنامج  ميدو شو  دون الدكتور زكريا بوقيرة على صفحته الشخصية بموقع التواصل الاجتماعي مايلي :


بداو يخافو منا، ولكن الاجرائات الي خذاوها بعيدة كل البعد عن ان تكون كافية.وزير الصحة خرج ليوم في موزائيك وعطى بعض القرارات على أساس انها بش تقلص في نسبة الانتشار متع الفيروس. وهذه مغالطة كبيرة .

الحاجة الي لازمكم تفهموها أنو الفيروس موش جاي يفدلك معانا. جاي بش يقتل. ومع الموت ما فماش شطر بشطر. هي حرب يا نحنا نقتلوه يا هو يقتلنا.
القرارات الي خذاوهم الحاجة الوحيدة الباهية فيهم الي هو اعتراف ضمني انهم بداو يخافو وبداو يرتبكو.
بداو بالشوية بالشوية يتخلاو على لوغة التعايش. فهمو أنو الشعب موش بش يسكتلهم.



ولكن ما فما حتى إجراء مالي خذاوهم ينجم يمنعنا من سيناريو الاف الموتى. الحل الوحيد لتفادي هذا السيناريو هو حجر صحي شامل لمدة ثلاثة اشهر لين نقضيو تماما على الفيروس كيما عملنا قبل ومبعد نخليو الحجر الصحي الاجباري على الوافدين لين توفى الازمة في العالم.


هذه السياسة التي اتخذتها دولة الصين العظيمة. وهذا لواش هي على عكس باقي دول العالم الحياة فيها طبيعية وآمنة. هذاكا لواش هي توة عندها نسبة نمو ب11%. وهذا ما لواش هي الي بش تحكم في العالم في المئة سنة الجايين.



الحجر الصحي الشامل لا مفر منو ولن نتنازل عليه. هو املنا الوحيد في النجاة. وسنواصل في التصعيد الى ان يتم اعلانه. افرحو الي بداو يرخوا ويخافو منا، أما نزيدو نكبسو علاهم بش نوجهوهم للطريق الصحيح.

#حجر_صحي_شامل
J-12
أحدث أقدم