Breaking

الدكتور ‏زكريا ‏بوقيرة ‏: 2020 ‏ ‏كانت ‏سنة صعبة ‏جدا ‏و ‏العشرية ‏القادمة ‏سوف ‏تكون ‏مفصلية ‏ل ‏99% ‏من ‏البشرية

كتب الدكتور زكريا بوقيرة اليوم الخميس على صفحته الرسمية على موقع التواصل الاجتماعي فيسبوك مايلي :

"عام 2020 كان عام صعيب علينا وعلى البشرية كلها. برشا منا خصرو عباد يحبوهم برشا منا عذبهم المرض وفما الي لتوة مازال متقلق، وبرشا منا تعبو من مخلفاتو الاقتصادية... 
ولكن زادا عام 2020 عام تاريخي فهمنا فيه مدا اهمية الصحة والعايلة والحاجات الصغيرة متع الحياة الي نحسبوها في العادة مضمونة. 

عام 2020 بش نتذكروه لاجيال واجيال. هو بداية لتحول عميق للعالم. ازمة الكورونا هي الامتحان الأول للانسانية كلها. نتيجة الأمتحان هذا هي الي بش تحدد كان الجنس البشري قادر أنو يتواصل في العيش فوق هذه الأرض أو لا. 
هل الإنسانية بش تتعلم من اخطائها؟

هل الانسانية بش تولي تستعمل العلم لقرائتها للمستقبل؟
هل الإنسانية قادرة أنها تأمن أنو قرارات ليوم الموجعة هي الي تنجم تمنعنا غدوة؟

هل الإنسانية بش تأمن أنو كيما فما نماذج رياضية يتنبؤوا بانتشار الفيروس فما نماذج اخرين يتنبؤو بانهيار للبيئة 30 عام اخرين؟

الأرض ستتواصل بينا والا بلاش. كيما تواصلت بعد انهيار الديناصورات قبل وفي ال6 انهيارات الي قبلهم. المرة هذي هي أول مرة جنس بيولوجي قادر أنو يقضي على الباقي الكل كيما زادا قادر أنو يمنعهم الكل. 

العشرية الجاية بش تكون مفصلية للبشرية و لمستقبل 99% من الكائنات الحية الي معانا.
بش تكون صعيبة بش تكون فيها بارشا تحديات ولكن فيها ممكن سر نجاتنا الكل.

استحفضو على رواحكم وعلى عايلاتكم. حبو بعضكم اضحكو سامحو. ما فما حتى شيء أهم من اللحظات البسيطة متاع الحياة.
أن شاء الله عامكم مبروك." 

Post a Comment

أحدث أقدم