Breaking

ياسين ‏العياري ‏يرد ‏على نائب ائتلاف ‏الكرامة ‏::"الي كييفك ما ينجمش يعطي دروس في "شهادة الزور" كان في إحدى حانات باريس العاهرة. ‏. ‏

بعد ان نعته بـ "شاهد زور".. رد النائب ياسين العياري زياد الهاشمي من خلال التدوينة التالية و التي نشرها على صفحته الرسمية بموقع التواصل الاجتماعي فايسبوك وهذا نصها:


:"الي كييفك ما ينجمش يعطي دروس في "شهادة الزور" كان في إحدى حانات باريس العاهرة ذات إحتفالات 7 نوفمبر مع فرقة شمس الدين باشا للأناشيد الدينية التوب رجولية"

"ناح النواح و النواحة..

إلي يغدرو شيخه الي يلحسله، يجيب حكاية حولة!
شيخك يدينك و الغلطة مني؟ 
أتفهم وجعك "زميل".. إن الله مع الصابرين.

تو تغلي و تفلم شوية (هذا فراق بيني و بينك) و ترجع كي العادة تعطي للذل كاره، فالعين ما تعلاش على الحاجب : تو ترجع لبيت الطاعة، لسيدك الشيخ ..كيفما يرجع الفرططو.. للنار الي تحرقه..برم برم 
لا علينا،


نجاوبك سيدي :
قال تعالى :
"وَلاَ تَكْتُمُواْ الشَّهَادَةَ وَمَن يَكْتُمْهَا فَإِنَّهُ آثِمٌ قَلْبُهُ وَاللّهُ بِمَا تَعْمَلُونَ عَلِيمٌ" 
"وَمَنْ أَظْلَمُ مِمَّنْ كَتَمَ شَهَادَةً عِنْدَهُ مِنَ اللَّهِ وَمَا اللَّهُ بِغَافِلٍ عَمَّا تَعْمَلُونَ"
"وَلا نَكْتُمُ شَهادَةَ اللَّهِ إِنَّا إِذاً لَمِنَ الْآثِمِينَ"
صدق الله العظيم.


نعم، قدمت شهادتي للناس و كما سأسأل عليها أمام الخالق.
نعم ريتك رميت الدبوزة.
نعم، الزميلة أميرة شرف الدين كانت بعيدة لحظة إعتدائك الهمجي الحقير المدان على زميل.

لعلمك، أنا من ذهب لرئيس الجلسة و طلب منه إيقافها، كي سال الدم.

إنت و فيديواتك ما ريتونيش؟ لاهي تتجودر و تعنف في زميلك، ماكش مركز.


كنت في قاعة الجلسات، بلاصتي لاصقة بهو الحكومة، سمعت العياط، خرجت من باب الرئيس، عرضتني أميرة شرف الدين في الباب، شفت الحضبة، شفتك رميت الدبوزة! من باب الرئيس إنجم نشوف الكلوار كامل.

موش خاطرك جبان، تعمل عملة و بعد ما تنجمهاش و ما تنجمش تتحمل مسؤوليتك
موش خاطرك جبان، يدينك سيدك الشيخ على العنف (للمرة الثانية، الأولى بعد مراسلة البرلمان العربي)  فتلوج على أي حكاية تتليفة 
موش خاطرني في خلاف مع التيار الديمقراطي

تحبني أكتم شهادة الحق!

و الي شهد إنه ظفر أميرة شرف الدين (إلي ما ثماش) جرح زميل، ينجم أكيد يعطي دروس في "شهادة الزور" أما في إحدى حانات باريس العاهرة ذات إحتفالات 7 نوفمبر مع فرقة شمس الدين باشا للأناشيد الدينية التوب رجولية!
"

Post a Comment

أحدث أقدم