Breaking

سمير ‏الوافي ‏: ‏يستنجد ‏بسامي ‏الفهري ‏من ‏داخل ‏سجنه ‏و ‏السبب ‏فكرة ‏"سامي ‏الفهري" ‏

في تدوينة متشنجة وغير معتادة من الاعلامي المعروف بهدوئه سمير الوافي رد الاخير عمن امتهنوا التطاول على الكبار جاعلين ذلك مطية نحو النجاح باعتقادهم و قد استنجد الوافي مجازا بالاعلامي سامي الفهري الذي كان يتبع دوما اسلوب اللامبالاة في الرد على خصومه .

فيما يلي نص التدوينة التي نشرها سمير الوافي ردا على الاعلامية فرح بن رجب التي قالت عنه ليلة البارحة في منوعة فكرة سامي الفهري انه لا يعجبها و انه منشط فاشل و مستفز:

أنا لساني أطول مني…وكتيبتي تنجم تذبح وتجرح…وساهل برشة اللي يسبني نبهذل بحالتو ونضحك عليه الخلق…لكن موش حلو نقعد نتعارك مع الشلايك والفاشلين والمنسيين والمرضى… ونطيح في قدري مع لُخرين اللي ما نحبش نسميهم هوني…!!!؟؟ برة خويا نستعوذ م الشيطان…ونترفع…ونعتزل العرك التافه مع الفاشلين والناقمين واللي طاحت بيهم الدنيا…أحنا نخدمو وهوما فولان بيه وفولان عليه…


كان فمة عركة راقية مع كبارات وناجحين ومعلمية مرحبا…عركة فيها مستوى وتتعلم منها وتكبر بيها…سي نون ما نطيحوش قدرنا مع المساكين اللي يحيرو أساميهم بالسبان موش بالخدمة…!!!فمة حاجة تعلمناها من سامي الفهري ربي يفرج عليه…هي فن اللامبالاة…هو أكثر واحد فينا تعرض للسب والشتم والتجريح…خاطرو أنجح واحد…ومن أسرار نجاحو أنو ما يجاوب كان بالخدمة…اللي يسبوه الكل يتمناو يجاوبهم…لكنو يقتلهم بالتجاهل…!خسارة قناتو توة ولات منبر متاع سبان…منبر يسبو فينا منو اللي يسوى واللي ما يسواش…مرة أنا ومرة علاء ومرة نوفل…أحنا اللي ساهمنا في نجاحها وقت الضيق…وخدمنا فيها بإخلاص…بربي المرة الجاية جيبولنا شخص مهم ومحترم وناجح يسبنا…باش يستحق الرد متاعنا موش إحتقارنا…!

Post a Comment

أحدث أقدم