Breaking

بالصور ‏/ ‏ ‏إبراهيم ‏القصاص ‏: ‏"يا عبير ينعبو زينك ''' وينصر دينك ''' وما عاش إلي يهينك ''' . ‏

بعد موجة السخرية يوم أمس الأحد عقب تداول مقطع فيديو على صفحات مواقع التواصل الاجتماعي يظهر كهل وهو يعبر عن حبه لرئيسة الحزب الدستوري الحر عبير موسي خلال الاجتماع الشعبي الذي عقدته بمدينة سوسة. دون النائب المؤسس بمجلس النواب السابق إبراهيم القصاص على صفحته الشخصية بموقع التواصل الاجتماعي فايسبوك مايلي :


ينعبو زينك تربيجة تونسية ''' باش تردوها طحين يا براوطية ''' فاتكم القطار.يا عبير ينعبو زينك ''' وينصر دينك ''' وما عاش إلي يهينك ''' وراكي ملاين أحرار.النغرة والحسد قتلهم ''' الدستوري هبلهم ''' عراهم وكشف دجلهم '''هذاكة بالضبط واش صار.

الوليد فرحان ينقز ''' موش براوطي موطي راسه والشيخ عليه يكذب ويتقز ''' خرافات تعمل العار.عبير قتلتهم بالعرق وبالفن ''' والسياسة ماهي فن ''' موش سرقة وفساد وخنن ''' براوطية والعقل طار.

أني القصاص ''' فحل صحرة وعالي الراس ''' ولا عمري كنت طباس '''ينعبو زينك يا عبورة يا أرجل من أرجل تراس ''' ودورلي في الدورة يا فار.أكثر الشعب مع عبير ''' والقافلة تسير ''' لا مقرونة لا شكوتوم ولا بندير ''' أحرار على بلادها تغير ''' موش جاي يتمعش السمسار.


على عبورة حوتة وخمسة وقرن غزال '''' والرسمي راهو ما زال ''' تنزاح الغمة ويتبدل الحال وترجع لماليها الدار.هذا آخر كلام عند القصاص ''' عبورة راي تاج الراس ''' ويا براوطي أشرب الحنظل في كأس ''' وإلا نقلك إيمي روحك قدام الكار.

يا ولدي يا إلي تنقز في سوسة فرحان بعبير ''' هاو عمك القصاص ليهم بالمرصاد هالكمشة بهايم وحمير ''' نقز ينعبو زينك إنت وعبير ''' براوطية من وقتاش عمنالهم كار...هيا برة يزي ...القصاص.

Post a Comment

أحدث أقدم