Breaking

قضية ‏الشاب ‏التونسي ‏المحكوم ‏عليه ‏بالاعدام ‏في ‏قطر ‏: ‏هل ‏هي ‏مناورة ‏من ‏حركة ‏النهضة ‏بدعم قطري للضغط ‏على ‏رئيس ‏الجمهورية؟ ‏ ‏( ‏التفاصيل ‏) ‏

فخري الأندلسي قالو أنه تونسي في قطر وسينفذ عليه حكم الاعدام و القطريين عطاووه تالفون من داخل زنزانته وقالولو اتصل باذاعة تونسية وقول راهم غدوة باش يعدموني ..... وبعد قالو انو قيس تدخل وتم تأجيل موعد الاعدام باش الجماعة يلقاو وقت يبيعو ويشريو مع الرئيس و يفرضو شروطهم لفائدة عملاءهم ....

ثم يقول القايل اعلاش الراجل موقوف عندو سنين وامو مرة قالت اني وكلت سيف مخلوف وعطيتو 100 مليون باش يرافع عليه شبيهم تذكروه كان الوقت هذا و ظهر لقطر باش تعدمو في الوقت الي عملاءها في تونس عندهم ازمة مع الرئيس ومحطوطين في تركينة هوما وحكومتهم ....؟. 


زعمة موش تكمبينة لقيس سعيد بحكم ان الديبلوماسية الخارجية من مشمولاتو ويحبو يحرجوه بالملف هذا باش كان طفى الضو يخرجو الخوانجية و المرشش غدوة يقولو قيس ما عمل حتى مجهود باش ينقذ روح مواطن تونسي رغم ان قضيته ذات صبغة ارهابية ويردوه شهيد الشهداء ....


 وكان قيس دخل في مفاوضات بشأنه مع القطريين بطبيعتهم باش يفرضو شروطهم عليه  و من اهم الشروط انو يسيبلهم الغنوشي والنهضة و يبعد على جبدان اي ملف يدينهم خاصة وانو الاسبوع الفارط الكل بدأ الحديث عن اخراج قيس سعيد لملف الجهاز السري للنور وتقديمه للقضاء العسكري ..... والي هو خياط يتبع الغرزة .....

#تنويه : هذه قراءة خاصة لهذه اللعبة و ما عندي حتى مشكلة و الا بونطو مع الشخص المتهم وكانو بريء ربي يفرج عليه وكانو مذنب ربي معاه ..... 
بقلم الصحفي منتصر الجوادي

Post a Comment

أحدث أقدم