Breaking

تسريبات ‏راشد ‏الخياري ‏:استدراج تافه لشخص ساذج ‏ ‏من ‏أجل توريط رئيس الدولة في قضية نبيل القروي. ‏(التفاصيل) ‏

تعليقا على تسريبات راشد الخياري كتبت الصحفية ‏منية ‏العرفاوي على صفحتها الرسمية بموقع التواصل الاجتماعي فايسبوك مايلي:

تسريبات رهوطليكس    :
توه السيد شارلوك هولمز متاع الغرف المظلمة والذي قال انه وضع حياته على المحك ..والقطيع من خلفه ويتوعد ويهدد بأنه سيحرق البلد لو مُست شعرة منه ..اش عمل بالضبط؟.. 

جاب واحد بوهالي قعدو قدامو وبدا يستدرج فيه بأسئلة أغبى من الغباء من قبيل : توه سعيد هو اللي حرك ملف نبيل قضائيا ؟ ..المُوقع به يقول يا ولدي راكم غالطين فيه الراجل ..ناقص باش يقلو راهو لا يبل لا يعل ...يزيد النايب البحاث يحاول يستدرج اكثر كيف هاكا الغراب الاعور اللي طاح في  فولة_مسوسة ويقلو : القاضي كمون (يقصد في السيد القاضي اللي مشدي قضية نبيل القروي واللي تعرض في جرة نبيل لضغوطات متأكدة خلاتو يكره النهار اللي فكر يدخل فيه نهار القضاء في دولة الشعوذة ) ..


نرجعو لسي البحاث كي يقلو : و كمون عندو علاقة بنادية ..نادية نادية (يقصد في مديرة الديوان الرئاسي) ..السيد اللي حصل كالضبع يجاوبو ببلاهة : القضاة عندهم علاقة ببعضهم(اصلا هو موش عارف اختصاص نادية هذي اشنوة ) والقضاة يحبو اشكون يحميهم باش يخدمو .."
 
طبعا موش باش نحكي على الكلام اللي تقال على عبو واللي نشوف أنه لا يدينه بقدر ما يعلي من شأنه لأنه يؤكد انه فعلا ارادها حربا هوجاء على الفاسدين وباستعمال كل الطرق ولكن في النهاية الفساد اقوى من الدولة .

نحب نرجع لـ أدهم صبري متاع برلمان الاستدراج والغرف المظلمة والتدرب المافيوزي على ادارة الشأن العام ...اللي من البارح يشوق فينا لـ كنزه الثمين الذي خلنا انه سيغير مسار البشرية و يزلزل الأرض تحت أقدام السبعة مليارات بشر ..
واذا بالأمر لا يعدو ان يكون استدراج تافه لشخص ساذج ، تم استغلاله دون حياء لتسجيل احاديث جانبية واثقة انهم يقولون اخطر وأفظع منها اولئك اللصوص والحمقى الذين يؤثثون الشرعية في زمن الديمقراطية المشوهة .


في ملاحظات سريعة :
الهدف من القعدة والتسجيل خلسة هو توريط رئيس الدولة في قضية نبيل القروي ..علاش ..باش يكون هذاكا مؤيد لاحراج القضاء واجباره على اطلاق سراحه ...السيد شارلوك هولمز كُلف بهذه المهمة ولم ينجح ...المحصلة ربي يخلف عليه وعلي بعثو !!!!..من يسجل حديث شخص دون علمه هو شخص لا يستحي وغير مؤتمن على مصير شعب وهو خبيث ومافيوزي في مخو وفعلته هذه تضعه تحت طائلة القانون خاصة وان صوته واضح في الفيديو .

ثانيا تأكدت اليوم كم هم حمقى وسذج واغبياء اولئك الذين يتحكمون في مصير الدولة السياسي ، أحزاب حكم ومعارضة 

ثالثا ، بربي سي شارلوك هولمز علاش خايف على حياتك وكتلة المهسترين يطالبون بحمايتك جسديا ..تي أي مواطن تعرضو تسمعو التسجيل أقصى ما ينجم يعملك يبزق عليك ويتعدي !
ناس متحشمش ...لا أكثر ولا أقل ..والعيب موش فيكم في اللي ساكت عليكم ..!

Post a Comment

أحدث أقدم