Breaking

القاضي ‏وليد ‏الوقيني ‏: ‏يفضح ‏حركة ‏النهضة ‏؟ ‏(التفاصيل) ‏

في رد على بلاغ ‏حركة ‏النهضة، الصادر اليوم الاثنين 26 افريل 2021، عن مجلس شورى الحركة، هذا ما دونه القاضي وليد ‏الوقيني ‏ على صفحته الشخصية بموقع التواصل الاجتماعي فايسبوك: 


كيما طالبت النهضة  انو  رئيس الجمهورية يتوسع في صلاحياتو  و يصبح  وزير  صحة و رئيس حكومة  و كان لزم  حكومة كاملة  و يواجه الكورونا خاطر الصحة أمن قومي ،  فرد المرة توافق على انو هو  القائد الأعلى للقوات المسلحة المدنية كيا أقول الدستور موش حاجة فرض و حاجة سنّة ،  موش تجي لصلاحياتو  بالدستور  و تنحيهملو  فيما يتعلق  بالتعيين  في الوظائف العليا  المتعلقة  بالأمن القومي  و ترد وظائف  الامن القومي الكل وظائف  مدنية. 

   بالله الواحد وين يتذكر  اموت بالضحك  تصوروا  مدير  مخابرات  موش وظيفة تتعلق بالأمن القومي  و إدارة  عامة امنية  على رأس ادارات  تعنى بالارهاب  و  الجريمة  المنظمة  تعتبرها  وظائف  مدنية موش أمن قومي لا و  الصحة أمن قومي  !!!!!   

  لا و توا تقلوا  الصحة امن قومي يلا اخدم على روحك  اي اش معناها  معناها  رئيس الجمهورية  هو الي اعين  المديرين  العامين  متاع وزارة  الصحة ؟؟؟؟ وزير الصحة ياخوا  التعليمات  من عندوا؟؟؟؟    معناها الداخلية باداراتها  وظائف مدنية  و وزارة الصحة تعتبر  وظائفها   أمن قومي  و الله هاذم يا اهزونا  للرازي  يا اهججونا  مالبلاد  .... 


باهي صحيح  صحة التوانسة  تهم الناس الكل و هي مسألة حيوية  و مهمة و بالفعل  الرئيس  يلزم  اسجل حضورو  في الأزمة هذي و صحة التوانسة  اغلى ما ثمه  ، اي و انتوما  مجلس نواب الشعب  علاش معملتوش   عفو تشريعي  عام للناس الي واقع تتبعها  من أجل الشيكات  دون رصيد والي  بسبب  الجائحة متمكنوش  من الخلاص  و تجنبوا  الناس دخول الحبوسات  بسبب  ازمة  انتوما  السبب  فيها  كحزام  سياسي و تدمير  موارد  رزقهم . 

اعلاش معملتوش  قوانين اعفاءات ضريبية  استثنائية  و راجعتو  قانون المالية  باش تجنبو  الناس الدمار  الي حل بيهم اعلاش معملتوش  قانون  تجبروا فيه وزارة  الشؤون  الاجتماعية  انو منحة العائلات  المعوزة  يجب أن لا تقل  عن الاجر الأدنى المضمون  قانونا ؟؟؟؟ اعلاش معملتوش  و اعلاش  و و  الخ ....  ،  بالله كي تخدموا  خدمتكم  علموا  الناس الأخرى اش تخدم . . 

Post a Comment

أحدث أقدم