الدكتور ‏زكريا ‏بوقيرة ‏يعتصم ‏امام ‏قصر ‏قرطاج ‏و ‏هذا ‏ما ‏طالب ‏به ‏/صور

ليوم مشيت للقصر

تونس كلها في بالها أني طالبت بش نقابل رئيس الجمهورية

عشرات المرات كتبت على الفيسبوك في الإذاعات في التلافز كل نهار نهارين نكلم السيدة نادية عكاشة

ولا من مجيب

ليوم أمام تدهور الوضع الوبائي

أمام السبيطارات إلي قص علاهم الأكسجين

أمام العدد المهول متع الإصابات والوفيات إلي خلّى تونس الأولى عالمياً في الموتى وفي الإصابات على كل مليون شخص 

قررت أني نمشي للقصر بش نقترح على رئيس الجمهورية استراتيجية صححنا عليها 75 طبيب تونسي من جميع الإختصاصات وهي استراتيجية الصفر كوفيد

وقيت أن رئيس الجمهورية يتحمل مسؤليتو أمام الشعب وامام التاريخ

هو رئيس مجلس الأمن القومي ومن واجبو أن يحمي تونس من أي خطر داهم

الحجر الصحي الشامل هو من صلاحياته والدليل هو إلي اقروا في مارس 2020

الشعب التونسي ما يستحقش إلي صاير فيه 

حياتنا وحياة عايلاتنا عزيزة برشة 

يزي ما اهدرتو حياة الشعب التونسي

يزي ما بكيتو والدين

يزي ما يتمتو صغار

يزي يزي يزي

يزي ما قتلتونا

ليوم ما لقيتش رئيس الجمهورية في القصر

أما نهار الخميس بش نرجع 

وبش نفهموه أن الشعب التونسي يحب يعيش

#حجر_صحي_شامل

إرسال تعليق

أحدث أقدم