الشاعر ‏لزهر ‏الضاوي ‏في ‏قصيدة ‏جديدة ‏: ‏" حل ‏المجلس لين يستعرف بالّلي عملو الكل..وبشكري" كيفاش تقتل..؟؟و"براهمي" وعلاش اغتلتوه..؟؟

الشاعر لزهر الضاوي  في قصيدة جديدة بعنوان -*" حل المكتب..؟؟"*-

حل "المكتب"..حل..حل..
الّلين  انت.. غدوة  تتحَل..
وتشرح "المجهود" لي بذلتو..
وتحكي ع اللي صار الكل..
وتستعرف بالّلي انت  عملتو..
وب"شكري" كيفاش تقتل..؟؟
و"براهمي" وعلاش اغتلتو..؟؟
و"لطفي نقض" كي تسْحَل..؟؟
و"الجهاز" وقتاش  شكّلتو..؟؟
و "القضاء" كيف تعطّل..؟؟

حل حل حل حل..
"سْبيتة سْبيتة".. على مَهَلْ..
تحكي اطوار الجريمة..
 من يوم نصبتوها  "الخيمة"..
وتونس درتوها "غَنيمة"..
وفرّقتوها على" الهَمَل"..
وطاحت ماعادليها قيمة..
محقورة بين الدول..

حل حل حل حل..
انتهى وقت الدّجَل..
والوطن هاو صحصح  شَعبَه..
وتخطّى الايام الصعية..
"دام الفرْح"..وفات اللعبة"..
لا تراوغ لا تتختّلْ..؟؟

حل.. حل.. حل.. حل..
وما عاد ينفع فيها حل..
وكل التعازي ل" قطيعك"..
لي بعتو وما باش  يبيعك..
خلقو ربي باش يطيعك..
"سبحانو..عز وجل"؟؟!!

حل ..حل..حل..حل..
وما عادش فيها   امل..
وكان معمّل ع "القوماني"..
" القوماني"  بابورو رحل"..
وقدام القاصي والداني..
رافع رايات الفشل..
حل حل حل حل...
 وكل حاجة... ليها  "أجل" ...!!!

حل المكتب..حل..حل...؟؟؟

إرسال تعليق

أحدث أقدم