في أول ظهور إعلامي لها : بالفيديو / هالة الركبي :"أنا عطيت سنوات من عمري للتلفزة التونسية.. والي ما يدري يڨول سبول"

موقع موزاييك نيوز الإخباري_ تدخلت الإعلامية هالة الركبي في برنامج رمضان شو على إذاعة موزاييك ونفت عودتها للتقديم موضحة أنها ستحل ضيفة في برنامج الزمن الجميل وليست هي مقدمة البرنامج وقالت :

 

نحب نشكر الناس الي توحشوني و خاصة الناس الي تجيني للصيدلية متاعي يقولولي وينك توحشناك.. برنامج من الزمن الجميل هو الإطار الامثل باش الناس يعاودو يشوفوني في التلفزة.. انا ما ما رجعتش للتنشيط هذا برنامج يحكي على مسيرة شخص ما..الشباب الجديد الي ما يعرفنيش و الاعلاميين الشبان الي ما يعرفونيش قلت فرصة من خلال هالبرنامج بش يعرفنيش..

الي ما يدري يقول سبول و العمل التلفزي متعب و أنا عطيت سنوات من عمري من الصباح لليل و أنا نجري معدة و منشطة برشا تعب و المقارنة لا تجوز مع المنشطين الاجانب المتقدمين في السن من ناحية الامكانيات و الاعداد تلقاه میش وحدو ينشط معاه عشرات المعدين..أنا قناعتي في قرارة نفسي كل صورة عديتها في برنامجي كان صادقة..و ما خدمتش كان أرضي وفاء بالوعود، أول تلفزة عربية تخدم ماتينال تلفزي هي تونس في صباح الخير تونس أنا خدمت شمس الاحد 8 ساعات مباشر خدمت برنامج للمواطنين بالخارج".