بالفيديو / بية الزردي : هذا سبب خلافي مع فوزي بن قمرة و "زازا قطعتلها صورتها خاطر قطعتلي عرضي".

تحدّثت بيّة الزردي خلال استضافتها في برنامج الدّوامة على إذاعة إي أف أم اليوم حول الخلاف الأخير الذي نشب بينها وبين الفنّان فوزي بن ڨمرة موضّحة الأسباب التي أدّت إلى قطع العلاقة معه بعد أن كانا صديقين وقالت:

" ما صار شي بيني و بين فوزي بن ڨمرة.. قلت كلمة حق أنا في بلاتو وقلت أنه فوزي بن ڨمرة كان يستعار من المزود و أنا جبت بالدليل القاطع اللي هو يستعار .. أنا مانكذب على حتى حد".

و عن تمزيقها لصورة الفنانة زازا في برنامج تلفزي علّقت:"اللي صار كيف اللي صارلي مع كلاي بي بي جي نفس الشي حسيته، وقت اللي أنا عطيت رأيي باحترام على الموسيقيين وقت اللي زملائهم ماعندهمش عشاء ليلة وقت الكوفيد و مسكرة .. 

تجي انت تسبلي أصلي و فصلي وبرشا كلام خايب.. قطعتلي عرضي قطعتلها صورتها وماكانتش ردة فعل مبالغ فيها ابدا ".