أعلن يوم أمس الخميس 24 أوت الجاري الممثل السينياريست و الكرونيكور زين العابدين المستورى عن نهاية مشواره مع القنوات التلفزية بصفة نهائية .
عن التفاصيل نشر المستوري تدوينة على صفحته الرسمية الفايسبوك جاءت كالتالي :
”الى هنا تنتهي الرحلة مع الشاشة الصغيرة
اعلن نهاية تجربتي التلفزية بعد 8 سنوات كنت فيها سيناريست و معد و كرونيكور .
شكرا لكل القنوات الي خدمت فيها first tv ، الحوار التونسي ،و شركة كاكتوس .
شكر خاص جدا لفريق raf mag + كانت تجربة ممتعة جدا شكرا لرفيق و كامل فريق الاعداد و قناة الحوار التونسي عالحرفية و الالتزام سامحوني ما نجمش نكون معاكم في الموسم الجديد ربي يوفقكم و متاكد انكم بش تقدمو موسم ثاني رائع .
شكرا لكل الاشخاص الي خدمت معاهم على طول ال8 سنين و الي تعلمت منهم الكثير و الكثير .
شكرا لكل من تابع الفقرات الي قدمتها مستويات اغبياء الواب حصل ما لم يكن في الحسبان القناص و فقرات اخرى .
قبل كنت كي نشوف شخص مشهور يقولولو احسن حاجة في الشهرة يقلهم محبة الناس كنت نضحك عليه اما بلحق شكرا و حمدلله على محبة العباد ربي يخليكم .
ننطلق على بركة الله في تجارب جديدة في الكتابة داخل تونس و خارجها ”.