شجار بين أميمة العياري ومريم الدباغ على المباشر :"تتبهلل عليّا.. احترم نفسك أنا نعلمك الإعلام" (فيديو)

شجار بين أميمة العياري ومريم الدباغ على المباشر :”تتبهلل عليّا.. احترم نفسك أنا نعلمك الإعلام” (فيديو)

شجار بين أميمة العياري ومريم الدباغ على المباشر :”تتبهلل عليّا.. احترم نفسك أنا نعلمك الإعلام” (فيديو)

جدّ اليوم السبت 20 أفريل 2024 تشنّج وخلاف على المباشر بين كل من الإعلامية أميمة العياري والأنستغراموز مريم الدباغ، في برنامج O’star على ديوان أف أم.

حيث حلت الدباغ ضيفة أميمة العياري، وتفوهت بكلمة غير لائقة على المباشر “تتبهلل” ردا على سؤال للاعلامية، لتتشنج هذه الأخيرة وترد عليها على طريقتها وتقرر عدم مواصلة الحوار.

وهذا كل ما جاء في الحوار :

– أنا سألتك سؤال قتلك أنت أول مرة تقتحم مجال الإعلام أنت وياسين بن قمرة ، عملت طرادة

– أنت سؤالك شمعناها ، معناها قاعدة “تتبهلل” عليا في الراديو ؟

– هكا تولي تتجاوز الحدود متاعك وتقلي “تتبهلل” ماتتقالش في الراديو الكلمة ، وكان جيت في البرنامج متاعك راهو قصوهالك في المونتاج

– مايهمنيش أنا مانخدمش في الراديو وأحنا مانيش في برنامج لذلك مايقلقنيش … أنت تسأل فيا في أسئلة وأنا جيتك ليك أنت باش نعملك إضافة وأنا ماحجتيش بيك أنت حاجتك بيا

– أنت ماتعرفنيش وأنا هوني لاني باش نعمل بيك البوز وكان حبيت نعمل بيك البوز راني جبتك قبل أما توا جبتك خاطر عندك برنامج جديد وعلى فلسطين ، ونسأل فيك أول تجربة في الإعلام ومن حقي نسألك ، هايا نخرجوا فاصل.

#مريم_الدباغ ترد على الإعلامية #أميمة_العياري عبر ستوري أنستغرام :

"خرجت و نسمع فيها تقول الي هي ما قبلتش باش تكمل الحوار علاش تكذب و ما حبيتش تقول الي انا بعد الpause هزيت صاكي و خرجت.. قتلك مانيش مكملة معاك الحوار كملو وحدك و خرجت و خليتها تغزّل وحدها ... 

البارح تلحلح بيا بش نقبل دعوتها اليوم و قتلي اول مرة نلحلح بشكون.. و ما كنتش حابة نحضر جيتها آخر لحظة اليوم امخر... وخاطر ما كنتش عاطيتها الثقة و بالحق احساسي ما خيبنيش.. 

غزلت كيفاش قلت ما نعرفهاش بالحق احنا ماناش أصحاب قراب نعرفها من بعيد.. و تقلي مش مستانسة باللايف لا انا حضرت قبل في اذاعات لايف و ما صار حتى مشكل..و تقلي انا نقريك الإعلام انا مانيش جاية باش نقرا..

 انا مشيتلها باش نحكي على مشروعي و فلسطين مانيش جاية نعمل في البوز اما هوما زايد ما يترباوش يعملو كل شي باش يبربشوك و يعملو المشاكل..

 و شدت تسأل زعما باش يخلصوك ولا لا و بش يتفرجو فيك ولا و انت وياسين اول مرة في الإعلام كيفاش باش تكونو كي جاوبتها بكل ثقة في النفس الشي هذا دخلها بعضها...يحبو كان يبربشو هذاكا علاش ما عادش نحب نمشيلهم "