الدكتور ‏زكريا ‏بوقيرة ‏يلتقي ‏راشد ‏الغنوشي ‏: ‏ويؤكد ‏تونس ‏ستفقد ‏بين700 ‏الي ‏300 ‏ألف ‏شخص ‏بسبب ‏فيروس ‏كورونا

نشر اليوم الجمعة الدكتور المثير للجدل زكريا بوقيرة تدوينة على صفحته الرسمية على موقع التواصل الاجتماعي فايسبوك مرفوقة بصورة أكد من خلالها لقائه برئيس مجلس النواب راشد الغنوشي. 
وفيمايلي نص التدوينة كاملا :

اليوم كان لي لقاء مع رئيس البرلمان التونسي سي راشد الغنوشي. قدمتلو أهم مخاطر المرحلة الجاية، كيفاش كان ما نقوموش بالحجر الصحي الشامل في اقرب وقت ستدخل تونس في منعرج خطير ينجم يبرك البلاد لاجيال. 

تونس كي طبقت الحجر الصحي الشامل يوم 23 مارس كان عنا 85 حالة نشطة الشيء الي خلانا نوفاو الموجة الاولى ب1000 مصاب و 50 ميت.

ليوم تونس لديها 1083 حالة نشطة والى الآن لم يتم اتخاذ أي إجراء من قبل الحكومة. 
ان قمنا بالحجر الصحي الشامل اليوم سنفقد من هوني لاخر الوباء تقريبا 700 تونسي. ولكن 700 خير من 300000 إن لم نقم به حتى لجانفي.


الحقيقة لقيت انسان متفهم و واعي بخطورة الوضع. نعرف انه كان عنصر فعال في اتخاذ قرار اعلان الحجر الصحي الشامل الأول في مارس. ليوم لازم نفس الشيء يتعاود كان نحبو نخرجو باقل الاضرار.


مهمتي كيما وعدتكم هي ان أبلغ الرسالة. الخطر داهم علينا واملنا الوحيد في النجاة هي المواجهة لا الاستسلام للعدو.
 المواجهة هي الحجر الشامل والاستسلام هو الي يسميوه "تعايش". 
مستعد نقابل أي شخص ينجم يعاونا بش نمنعو الشعب التونسي.



رسالتي مازالت مفتوحة الى رئيس الجمهورية سي قيس سعيد: الأمن القومي للبلاد راهو من صلحياتك الدستورية. أنا حاضر اني نجيك في أي وقت ونوريك على عينيك مدى خطورة المرحلة.



ليوم تونس تعيش في مرحلة ما شهدتهاش من قبل.
كل واحد فينا يحدد موقفو امام عظمة التاريخ.
انها حرب. حرب الحياة والموت.
من سيكون في صف الشعب؟ ومن سيكون في صف الفيروس؟

0/تعليقات/Comments

أحدث أقدم