ياسين ‏العياري ‏لرئيس الجمهورية:" ‏أنت ‏لست ‏في ‏منزلة التلميذ..أنت ‏في ‏منزلة ‏المتسول". ‏

في رد على تصريح رئيس الجمهورية قيس سعيد الذي أكّد أن تونس بحاجة إلى سوق مالية تقوم على قواعد واضحة، وأن هناك قضايا جارية متصلة بالسوق المالية.  قائلا في علاقة بالتصنيفات العالمية إنه على المؤسسات المالية العالمية التعامل مع تونس كدولة ذات سيادة.



وأشار رئيس الجمهورية إلى أن تونس ليست في موقع التلميذ أمام هذه المؤسسات، حسب تعبيره وذلك خلال تسلّمه التقرير السنوي الـ25 لهيئة السوق المالية لسنة 2020 من قبل رئيس الهيئة صالح الصايل.
تعليقات على ذلك كتب النائب المجمد بالبرلمان ياسين العياري على صفحته الرسمية بموقع التواصل الاجتماعي فايسبوك مايلي:


لا سيدنا، أنت لست في منزلة التلميذ، خلي نوضح لمعاليك، أنت في منزلة المتسول، المتسول الي يتقبح في الي يحبهم يسلفوه باش يلقى ما ياكل.

فهم يغزروله يقولوا شبيه هكة هذا؟ عليه العوض و  منه العوض! هوما تو في منزلة بين المنزلتين : نعطوه زوز صوردي شفقة على اليتام و إلا طز فيه كان هو ما خممش فيهم بش نخمموا أحنا؟ ياكلوا التزمير و يحليو بالإرادة الشعبية! الفقر و العنطزة!

للأسف سيدنا، تنجم ترد 5000 شخص مليون و 800 ألف بفشلومة، بالنسبة للفلوس، الأمور أكثر تعقيد..التفشليم موش بنفس السهولة.. كيفاش نفسرهالك؟ 

لا، ما تنجمش تخرج مرسوم محصن فيه إلي عندك بليار و 800 مليار.

تي علاش نفسرلك أصلا! إنت ما فهمتش علاش الطماطم ما ترخصش رغم إنك قلتلها أرخصي بش تفهم هذه؟ برى أكاكة.. هاني نزمر مع الي يزمروا و صحة الحصان يا قوم.

كنت سببا في فشل كل من سبقوك للعامين الي فاتوا، لكن المرة هذه لن تجد في من ستمسح الفشل : ما عندكش مؤهلات لفهم دور قيادي تنفيذي، عزلت تونس عزلة مخيفة، الشعبويات تطرب القلوب المعبية كره لكن لا تحل ربع مشكلة للبلد، بالعكس تقضي عليها و اليوم أنت المسؤول الوحيد.

إن شاء الله إعادة بناء ما أنت تخرب ما تكونش غالية برشة.

إرسال تعليق

أحدث أقدم

نموذج الاتصال