تي شنوة ها التسيب متع الدولة
إلى متى بش نواصلو بقبول استهتارهم وعدم كفائتهم؟
ما تنساوش شنوة عملو عامناول
نذكركم انو لتوة مازلنا اكثر دولة ماتو فيها عباد مقارنتا بعدد السكان في أفريقيا وفي العالم العربي
نفس العباد مازالو هوما بيدهم مواصلين بنفس الستراتيجيا الي قتلت اكثر من 25 الف تونسي
توة مع ضهور الاوميكرون عاودو نفس الغلطة البديهية الي اي مواطن موش لازم قاري يقولهالك
وقتها كارنا عملنا كيما عملت المغرب والا اليابان سكرنا الحدود وعملنا حجر اجباري للوافدين الكل ملقح والا لا
في بالنا من وقتها ان الاوميكرون ينتقل بين الملقحين
اما هوما قعدو يتفرجو وخلاوه يدخل كينها حياة التونسي لا معن ولا قيمة لها
احتقرو حياتنا مرة أخرى واستباحو دمنا من جديد
توة في بالهم بانو بش ينتشر وبانو بش يقتل بين 1000 و 2000 تونسي
اما قابلين وموش ناوين يعملو حجر صحي
في بالهم ان الصغار بالذات بش تصير فيهم موجة رهيبة وبش تتسبب في أرقام قياسية في المستشفيات وفي الانعاش
شوفو ما خيبهم
حتى الصغار ما سخفوش عليهم وقابلين
تي حتى تأجيل العودة المدرسية ما عملوهش
هذي دولة ؟
هذي قيمنا ؟
هذا نحنا ؟
موش هكا نبنيو دولة
موش هذي تونس متاعنا
حرام عليكم الي تعملتو فيه في بلادنا
صحيح سكتنالكم بارشا اما ويل لكم من غضب شعب مظلوم
#تسقط_دولة_الموت
#حجر_صحي_شامل
Tags
أخبار