شهادة مؤثرة : أحد الناجين من غرق مركب الحرقة في الشابة يكشف :"3 أيام نطلبو في ربي ونشهدو" (فيديو)

 تداول رواد مواقع التواصل الإجتماعي اليوم مقطع فيديو لشاب تونسي أحد الناجين من حادثة غرق مركب الحراقة الذي انطلق من الشابة ولاية المهدية.

و كشف هذا الشاب حقائق صادمة حول الحادثة حيث بدأ في سرد اللّحظات الأولى من رحلة الموت قائلا :"استغلال حتى للدقيقة الأخيرة حتى الماكلة طلبو علينا فلوس باش شراولنا كلينا... جاونا ثلاثة من الناس مسلحين بالسيوف خرجونا و عباونا في الكاميون معانا ثلاثة أولاد صغار و اربعة نساء هزّونا للبلاصة اللي نحرقو منها.. بقينا من التسعة ونص للواحدة متاع الصباح".

و أضاف :"مشينا 5كم على رجلينا باش وصلنا للبلاصة، و بعد جابو شقف صغير هزو فيه النسا للمركب اللي نحرقو بيه و احنا الرجال دخلنا برجلينا و ماخلاوناش نبدلو دبشنا و معانا هذاك اللي كان شاد السيف... قصدنا ربي على الساعة الثانية ومع 8 و نصف طحنا en panne, بقينا نستناو ما تعدا حتى شي و بعثنا رسائل استنجاد ما فما شي ".


و أضاف :" بقينا من نهارت السبت الثمنية متاع الصباح ليوم الاحد ماضي ساعتين.. أيسنا و فما عباد داخت حتى الشهادة مانجمناش نقولوها.. الحاجة اللي خوفتها هي انه بدا السبت ليلة كاملة ما تحركناش ونغزرو لبعضنا و نبكو و جاتنا سكادرا متاع صفاقس.. و أنقذونا و عاملونا معاملة طيبة علخر ".

إرسال تعليق

أحدث أقدم