الناس الكل مصدومة من ليسي سوسن الجمني والخنار اللي فيه وسلوك التلامذة وعلاقتهم بالأساتذة وكمية الإنحطاط...حالة إنكار شاملة وكأنهم يشاهدون معهدا في المكسيك...الجميع تنصل من ذلك الواقع كالعادة...ورفض الإعتراف بوجهه في المرآة...واتهم المرآة عوض الإنتباه إلى عيوب وجهه فيها...!!!
وكأنكم لا تعرفون معاهدكم ومستوى تعليمكم ومرتبته في العالم العربي قبل العالم ونسبة العنف ضد الأساتذة ونسبة الفساد الاخلاقي هناك...وإنتشار المخدرات في المحيط المدرسي حيث أصبحت عديد المعاهد سوقا مفتوحة...وارتفاع عدد حالات التحرش المعلنة عدى المسكوت عنها...هل كل ذلك من وحي خيال كاتب السيناريو !؟؟
طبعا لا...ذلك هو واقعكم الذي تهربون منه بالإنكار والتنصل والنفاق...إقرؤوا الإحصائيات الإجتماعية عن مستوى التعليم...عن واقع المدارس والمعاهد...عن نسبة الاضرابات...عن إستهلاك المخدرات هناك...عن الإنهيار المتسارع...وبعد ذلك قد تلومون سوسن الجمني على كمية الإثارة في المعالجة الدرامية والتناول التجاري للواقع...ولكنكم ستكتشفون أن الواقع أفظع وأشنع...!!!
وفي تدوينة أخرى كتب الوافي :
المخدرات ولات ليفريزون للديار...والمعاهد ولات سوق للترويج...بشهادة الجمعيات والمنظمات المختصة...وبأرقام وإحصائيات المؤسسات الإجتماعية...وفمة شكون ولدو والا بنتو يتكيفو والا يشمو والا يحربشو بجنبو وموش فايق...
هذا الكل ما يقلق التوانسة كان كيف يتعدى في مسلسل...يتعايشو معاه في الواقع ويرفضوه في التلفزة...بحجة أنو التلفزة تفسد في أخلاق هذا المجتمع الفاضل المحترم العفيف الشريف...
بينما العكس هو الصحيح المجتمع هو اللي فسد التلفزة بإقبالو الكثيف على أتفه الأعمال...تعليمنا في الحضيض وفي أسفل ترتيب الدول العربية اللي سبقناها كلها في بناء المدارس ومجانية التعليم وتصدير الكفاءات...إنهار مستوى التدريس ومستوى التلاميذ ومستوى الشهائد...
وأصبحت المعاهد أوكار لأقذر السلوكيات...تحرش ومخدرات وغش...وكملت الاضرابات العشوائية على ما تبقى...هذا واقع أشنع مما ظهر في المسلسل...!!!
ومع ذلك الجميع في حالة إنكار...والواقع يزداد سوء وانحطاطا وحفرا تحت القاع...لكن المهم امنع المسلسل اللي يجي جمعتين في العام...يفسد فيهم مجتمع صالح وشريف وفاضل في بقية العام !!!