كل يوم نزور والدتي في الجبانة إلا كي نبدى في سفر ، أنا قبل ما نصبح على الناس نصبح على امي ... ندخل للجبانة صباح الخير صليحة شنحوالك ونخرج ، وهذا يوميا إلا كي نبدى مريض ولا خارج تونس نوصي شكون يمشي يزورها ...
في رمضان نمشي نشق فطري عندها يوميا ، مازلت ماتعودتش أنو يأذن الاذان وأنا قاعد في طاولة وصليحة موش حذايا ، هوينو نستنى الآذان نقرالها الفاتحة وندعي ونشرب شريبة ماء ونهز بسكلاتي ونروح ...
فما عباد يغزرولك أنو على حافة جنون وكثرتلها ومسطتها ، الله لا يحطكم في محط وما نتمنى لحد ... كي تجي لحظة سعادة نعيشها ولكن مانيش قاعد نلوج وحتى في الرسالة الإعلامية عملت برنامج في ثنية الحب وهو ورسالة اليوم في الحياة أنو الناس تعيش بمحبة مع الناس إلي دايرة بيها
Tags:
منوعات