الممثلة ‏ليلى ‏طوبال ‏: ‏قيسون ‏..باش ‏نولي ‏نعشقك ‏يا ‏الاخشيدي ‏بالحق ‏

تتواصل ردود الأفعال بخصوص تكليف رئيس الجمهورية قيس سعيد لهشام المشيشي بتكوين الحكومة الجديدة حيث دونت دونت الممثلة المسرحية ليلى طوبال على صفحتها الرسمية بموقع تواصل الاجتماعي  فايسبوك بان عهد التعينات التي تخرج من جلباب الغنوشي ولى وانتهى و انها أصبحت عاشقة لرئيس الجمهورية قيس سعيد وعذا نص التدوينة كاملا  :

وفى وانتهى وولّى عهد التعيينات الّي تخرج من جلباب الغنوشي وبأوامره ورضاه… وفى وانتهى التمسيح والتسكبين على أعتاب وفي كولوارات مونبليزير… وفات السهاري في صالونات الشيخ الفاخرة مع ما تيسّر من غناء ومديح …

 وفات الاجتماعات في وتلة وقهاوي اللاك بين المافيا والخاسرين والّي ما يساووش سوردي والّي يحددوا في مصير البلاد على طاولات الغدر والخيانات ويقرعون الكؤوس على نخب الّي فكّولهم ثورتهم وحلمتهم… وفات الوجوه الّي في العلن تضحك وتحت الطاولة السكاكن تذبح… وفات قسمة السمسارة بين إلّي مستعدّ لكل شيّ باش يولي رئيس والخمّاسة والّي يحبّ يحكم فينا وفي والدينا…

البلاد اليوم في لحظة مفصلية… العباد الّي كلّت وعيات مستحقة للأمل باش تخدم وكل وحدة كل واحد في بلاصتو يشمر على ذراعو ويحط جهدو حتى كان يكون في شبر من هالبلاد…

الماكينات باش تخدم لإحباط العزائم… خلّيو الأمل أقوى…قيسون… باش ترصّيلي عاشقة الاخشيدي بالحق"