خطير ‏/ ‏الدكتور ‏زكريا ‏بوقيرة ‏يحذر ‏من ‏جديد ‏: ‏إذا ‏لم ‏يتم ‏فرض ‏الحجر ‏الصحي ‏الشامل باش يجي نهار في جانفي يستحق فيه في يوم واحد مليون تونسي انهم يدخلو لسبيطار.

في تدوينة جديدة نشرها على صفحته الشخصية بموقع التواصل الاجتماعي فايسبوك حذر الدكتور زكريا بوقيرة من جديد من سرعة اناشار عدوى فيروس كورونا في تونس و أكد انه اذا لم يتم تطبيق الحجر الصحي الشامل فان الوضع سوف يكون كارثيا .
وفيما يلي نص التدوينة كاملة:

كان ما نعملوش حجر صحي شامل جديد وواصلت الدولة سياسة الابادة الجماعية بش يجي نهار في جانفي يستحق فيه في يوم واحد مليون تونسي انهم يدخلو لسبيطار.

وقتها قولولي وين باش نداويوهم؟
وقتها قولولي شكون مازال بش يخدم؟
وقتها قولولي شكون مازال بش يصرف؟
وقتها قولولي شكون بش يدور الاقتصاد؟
وقتها قولولي قداش الدولة بش تصرف في التحاليل في الدوايات في....؟


الازمة الاقتصادية جايينها جايينها لا مفر. 
الازمة هذه المسؤولين عليها حكومة الفخفاخ بما فيها الجنرال الي حلو الحدود ونحاو الحجر الصحي الاجباري للوافدين. 
الازمة هذه المسؤولين عليها اللجنة العلمية الي قبلت انها تكون خدام للسياسيين لا للشعب والعلم.



الحل شنوة مالا؟
الحل واضح أما لازمو تضحيات. هو الحل الي خلا تونس تمنع المرة الاولى وقت الي العالم الكل غارق. 
مادام من الجيهتين فما ازمة اقتصادية، على الاقل ما نزيدوش علاها ازمة صحية اجتماعية و إنسانية.
الحل هو حجر صحي شامل جديد.

0/تعليقات/Comments

أحدث أقدم