"صورة المشيشي وهو يتفقد مدرسة 5نجوم ذكرتني في قصة ليها اكثر من 15: كنت في وسيلة نقل تطير وجا شخص قعد بجنبي بعد ما طلب الاذن مني ومن المضيفة...قدملي روحو نقابي كبير يخدم في مؤسسة من اكثر المؤسسات اللي نخرها الفساد وسرايق العائلة الحاكمة...قاللي ام زياد نحب نحكيلك كيفاش مؤسستنا خمجت... وكيفاش احنا اللي خمجناها.وبدا يحكي:
كان فلان الفلاني مسؤول كبير في المؤسسة من وقت بورڨيبة وكان مثال الاستقامة خدام و نظيف وداخل ببوشتو وبقى على هاك الصفات حتى بعد ما تولى بن علي اللي كان قريبو برشه برشه....لكن ولاد الاحلال في المؤسسة ما خلاوهش رايض ...كل يوم "نصائح" ودباير واغراءات...اعمل هذي مادام المعلم قريبك...هاو هاالافار فاوح وارباحو مضمونة ميا في الميا....وقعدو على هاك المعدل لين السيد ولى من اخمج ما كان ويكون
مخ الهدرة...تقريب اللي دبرو على سي المشيشي في زيارة المدرسة 5 نجوم وهما من نوعية سوس مؤسساتنا المذكورة اعلاه والموجود في كل بقعة واللي تاقف سد منيع ضد كل تجديد وان كان شكلي."
Tags
أخبار