مؤثر ‏: ‏أول ‏حالة ‏وفاة ‏بفيروس ‏كورونا ‏لطبيب ‏في ‏تونس.. ‏طبيبة ‏الإسعاف ‏تروي ‏كواليس ‏اللحظات ‏الاخيرة ‏قبل ‏وفاته ‏

مازالت تداعيات و فاة الطبيب التونسي بفيروس كورونا صباح اليوم باحد المستشفيات بالعاصمة تلقي بضلالها و تثير كثير من ردود الافعال، وفي هذا السياقر نشرت آخر  طبيبة حاولت اسعافه لحظات قبل ان يلفظ انفاسه الاخيرة تدوينة على صفحتها الشخصية بموقع التواصل الاجتماعي فايسبوك تحدث فيها عن كواليس اللحظات الاخيرة .. وفيما يلي نص التدوينة..


"اول حاجة ربي يرحمو و يصبر عائلته . ثاني حاجة اسهل برشا باش تعاود اللي سمعتوا اما انا شخصيا عشت مع المريض هذا (الزميل) لمدة ساعتين و نعرف حقيقة الحكاية باش منضلمو حد و نقولو par retard de prise en charge. 3 متاع الصباح.. 


عائلة المريض هذا اتصلت بال 190 خاطر ولدها تقلق و هو عندو syndrome grippal عندو جمعة و معملش تحليل .. نصحوهم باش يجيبولو طبيب للدار يعدي عليه و هذاكة اللي صار ..4 متاع الصباح اتصل الطبيب اللي باشر حالتو بال 190 و قلهم راهو يستحق intervention خاطرو تاعب. في أقل من نصف ساعة كنا بحذاه، حاولنا نمنعوه بالأدوات اللي عنا … في نفس الوقت médecin régulateur تلوجلو على بلاصة ف réa ، تتواصل مع رئيس قسم samu تونس و قومت و قعدت الوزارة على بلاصة للمريض …

 بعد نصف ساعة (المريض ديجا sous oxygène و تحسن شوية ) ترجعلى تقلي ملقيناش بلاصة في الصبيطارات اللي عندهم circuit covid هز مريضك للاستعجالي ودافع عليه و كان لازم عارك عليه باش يقبلوه . هزيتو للاستعجالي اللي معندهمش circuit covid و لا أدوات حماية يقبلوه بالوقت بامر من رئيسة القسم . قبلتو من عندي طبيبة شابة أداة الحماية الوحيدة اللي عندها bavette .


 نشالله المسؤولين يتحركو و يعملوا حاجة قبل ما يفوت الفوت و الطاقم الطبي و الشبه الطبي الكل يمرض وقتها حد ما يلقى شكون.


هذا ونشير الي ان الطبيب غرس الله الذي وافاه الاجل المحتوم صباح اليوم  نتيجة اصابته بفيروس كورونا يبلغ من العمر 53 سنة و كانت عمادة الاطباء قد نعته مساء اليوم على بيان رسمي على صفحتها الرسمية بموقع التواصل الاجتماعي فايسبوك. 
رحم الله الفقيد و اسكنه فسيح جناته وانا لله وانا اليه راجعون. 

إرسال تعليق

أحدث أقدم

نموذج الاتصال