رسالة عاجلة من رئيس قسم الاستعجالي بمستشفى عبد الرحمان مامي بأريانة ‏" ‏الوضع ‏خطير ‏جدا ‏... ‏اللهم ‏لقد ‏بلغت ‏فأشهد". ‏

في رسالة عاجلة توجها بها الي الشعب التونسي بخصوص فيروس كورونا نشر الدكتور رفيق بوجدارية  رئيس قسم الاستعجالي بمستشفى عبد الرحمان مامي بأريانة على صفحته الشخصية بموقع التواصل الاجتماعي التدوينة التالية :

"أنا دكتور  رفيق بوجدارية نقلكم إستحفظو على رواحكم و على العزاز عليكم ..سبيطاراتنا راهي ضعيفة و لا عندنا مال و لا عندنا شكون يعاونا ..

 

نقلكم رانا داخلين لمنطقة الخطر اللي باش يزيد ينتشر فيها الفيروس و يكثرو فيها المرضى و  عدد الوفيات باش يزيد  ... نقلكم اللي في يدينا و في يديكم حل واحد موش اثنين أغسل يديك ديما ، حط الكمامة كيف تخرج و كان ماعندكش موجب باش تخرج شد دارك و سيب القهوة ...

الوضع حرج جدا .

اللهم إني قد بلغت 

اللهم إني قد بلغت ."