كل ربع ساعة فما تونسي يموت...كل ربع ساعة فما عايلة يدخل عليها الحزن...كل ربع ساعة فما شكون يفقد بوه امو ولدو حبيبو...علاش حياتنا ما عندها حتى قيمة في عينين السياسيين؟...علاش تشوف الدول الغنية والفقيرة حاطة كل ما عندها بش تمنع شعبها ونحنا في تونس حياة المواطن عندها نفس قدر الذبان؟...علاش ما نكملوش في الحجر الصحي ونرتاحو من الكابوس؟
5600 تونسي ماتو شوية؟...حياتهم ما عندها حتى معنى؟..مستعدين نخسرو 10 الاف اخرين؟
يزينا ما كذبنا على رواحنا. الدولة هي إلي غرقتنا في هذا.
هي إلي حلت الحدود وستوردتو. هي إلي خلاتو يتفشى بسياسة التعايش متاعها. هي إلي كي نبهنا أنا وزملائي شوهتنا وخرجتنا مهابل.
اليوم ما عادش عنا وقت
برشا عباد ماتت حرام.
برشة عباد تعذبت حرام.
برشة عباد حزنت حرام.
يزي...أكهو...إلى متى بش تتواصل المهزلة هذي؟الحجر الصحي لازموا يتواصل والدولة لزم تتحمل مسؤلية اغلاطها.
توفر حاجيات شعبها الكل في فترة الحجر. نشدو المدة الزمنية اللازمة ونرجعو لحياتنا الطبيعية.الحلول موجودة أما ما عندهمش إرادة
Tags
أخبار