Breaking

الدكتور زكريا ‏بوقيرة ‏: ‏فمة ‏سلالة ‏من كورونا كان بش تجي لتونس وتنتشر بش تعمل فينا شر الشعف. ‏

في تدوينة نشرها على صفحته الرسمية بموقع التواصل الاجتماعي فايسبوك، كتب الدكتور زكريا بوقيرة،  ان البرازيل الي فيها اخطر سلالة كورونا في العالم (P1) تعود اليوم الى الحجر الصحي الشامل رغم انف رئيسهم المجرم،حسب قوله.

واضاف بوقيرة،ان السلالة هذه ظهرت في الأول في مدينة مناوس التي وصلت للمناعة الجماعية في الموجة الاولى (72% من السكان مرضو) .


كانو في بالهم وفات الكورونا مادام الناس الكل تقريبا مرضت. أما الطبيعة اذكا من الي نتصوروها.
 تحول الفيروس وولى يعاود يعدي الناس الي مرضو قبل. الشيء هذا خلا المنظومة الصحية تنهار ووصل حتى الاوكسيجان تقطع.

السلالة هذه الى الآن مازالت ما جاتناش أما راهو كان بش تجي وتنتشر بش تعمل فينا شر الشعف.
زيد كيما تعرفو الطقس في الكورة أرضية مقلوب بين النصف الشمالي والجنوبي. 

معناها في البرازيل كانو في الصيف. ومع هذا شوفو كيفاش انتشرت السلالة هذه. حاجة أخرى التلاقيح الي موجودة كيف كيف كان تجي السلالة هذه فما شك كبير انها تطيح كل شيء في الماء.

الشيء هذا كيما أنا نعرفو كي الحكومة واللجنة العلمية في بالهم. الفرق الوحيد هو أنهم هوما ما يعطيو حتى قيمة لحياتنا. هذا لواش بش يزيدو يحلو الرحلات السياحية ويقضيو علينا نهائيا

Post a Comment

أحدث أقدم