وأضاف بوقيرة ، أنّه أصبح يخوض حروبا مع السياسيين ورجال الأعمال وبعض المواطنين من أجل المحافظة على حياة التونسيين الضّحايا، وفق تعبيره.
وفيما يلي نص التدوينة:
بربي شنوة ربحي أنا من الحجر الصحي ؟
عندي عام حياتي واقفة من الصباح لليل وأنا نحارب على خطركم. دخلت في عركة مع السياسيين مع رجال الاعمال مع شطر الشعب الساذج.
علاش هذا الكل حسب رايكم؟
خاطر نعرف شنية الوجيعة متع المريض الي يبدا يتلجا في نفس. عندكم فكرة ماخيبو احساس يتقطع عليك النفس؟
حاجة tellement ستانسنا بيها تضهرلنا مضمونة وننساو اهميتها. أما راهي خايبة... يسار خايبة.
نعمل في هذا الكل خاطر ما نحب حتى صغير يتحرم من أمو ولا بوه. فلوس العالم الكل ما يسواوش الدمعة متع الطفل الي يردم والديه تحت التراب.
تي تبداشي الكورة الارضية الكل ضدي؟
بش نواصل ندافع على الضعفاء حتى كان هوما بيدهم موش مقتنعين.
الله غالب قولو مهبول قولو الي تحبو أما أنا ما يجينيش النوم وأنا نعرف انو شعبي معرض للخطر.
سامحوني الي انا ما نجحتش بش نمنعكم لتوة أما نوعدكم بش نواصل لاخر نفس عندي
#حجر_صحي_شامل
Tags
أخبار