صديق ريان الكشباطي يفضح نوفل الورتاني مجددا وينشر محادثات واتساب بينه وبين المرحوم “يا كذاب هاي حقيقتك..”(صور)

نشر شاكر الجهمي صديق الممثل الراحل ريان الكشباطي، صورا لمحادثات بين نوفل الورتاني والمرحوم وهو يترجاه لدفع مستحقاته المالية، وذلك ردا على تصريحات الورتاني الذي تدخل على اذاعة موزاييك ليلة البارحة مع الهادي زعيم و تأكيده بأن كل ما يقال عنه هو حملة تشويه وأنه قام بخلاص كل مستحقات ريان الكشباطي، وأرفق شاكر الصور بالتدوينة التالية : 

هاي الحقيقة بعد ما حب نوفل الورتاني يخبيها

نوفل خرج في موزاييك و عمل فيلم كان هو البطل في دور البراءة،،و بما أنو حبل الكذب قصير ، و الكذاب فيسع ما يبان على حقيقتو .أنا كي هبطت أول مرة

و حكيت ما حبيتش لا نهبط des captures لا شيء ، و قلت يمكن كلامي يوصل ل #نوفل_الورتاني و يحشم على روحو و يستعرف و يرجع حق المرحوم ، أما تقريب اللئيم ما يعترفش بالقيم و الأخلاق،،،مالا ايا هاي الشهادة الكاملة و الحقيقة لي حب الكذاب يتهرب منها

تكذب عالناس و تقول علاقتي طيبة بريان ، و ريان ما يسالنيش فلوس ؟

و الكلام هذا مالا شكون قالو ؟ و تنجم تتجرأ و قدام الناس الكل توري ميساجات واتساب بينك و بين ريان لاخر لحظة قبل ما يموت ؟

مالاول ما حبيتش الحكاية تكبر اكثر من اللازم و ستنيت من نوفل و كاكتوس انهم يتصلوا بدار ريان و يعتذروا ، أما ملك التقديم التلفزي طلع كذاب و بلاش مبادئ و طالع يكذب عالشعب ، تي كان سكت و كرمت لحيتك بيدك يمكن خير من انك تكذب و تلزني باش نطلعك بلعوط و ذيب قدام الناس الكل ..

هذه شهادة ريان و كلامو في الميساجات ، غير برشا كلام آخر بيناتنا في الدنيا كي يحكيلي علي عملتوه فيه ..

حسبي الله و نعم الوكيل مرة أخرى ، مانيش نحكي في الكلام هذا عندي بيك شماتة و ألا ورثة

أما نحب حق خويا يبان و ما تكذبوش عليه و تظلموه حي و ميت يا سقاط ..