ياسين ‏العياري :سيدي الرئيس ‏للأسف...كان بإمكانك الأحسن

علق النائب بمجلس النواب عن حزب امل وعمل ياسين العياري، اليوم الجمعة ,، عن البيان الذي اصدرته رئاسة الجمهورية حول فيروس كورونا، سواء بالنسبة لجلب التلاقيح او تكليف القوات المسلحة بتدعيم المواطنين ، من خلال المدينة التالية التي نشرها على صفحته الرسمية بموقع التواصل الاجتماعي فايسبوك، وهذا نصها :


سيدي الرئيس،
قرأت بيان صفحة الرئاسة، للأسف، كان بإمكانك الأحسن
لو كنت مكانك :

1- نعيط للتلفزة تصورني نلقح، لتشجيع الناس

2- نخرج في كلمة للشعب، تكون حماسية و بعيدة عن التفرقة و نحن و هم و ملثمون و مجهولون، نطمن التوانسة، نشجعهم، نصبرهم، نحي الناس الي في الخط الأول


3- نعتذر في نفس الكلمة من التوانسة لخرقك حضر التجول في باجة، ماك تعرف سيدي الرئيس، الرئاسة قدوة قبل كل شيء! ربي يرحم بو نور الدين الطبوبي، لكن بعد ما شافوك التوانسة، كيفاش تقنع الي توفاله شكون باش يحترم منع التنقل بين المدن.

4- توبخ الحكومة و النقابة على مؤتمر سوسة توبيخا

5- تعلن تخصيص جزء من ميزانية الرئاسة (169 مليار راهم) لمعاضدة جهود مكافحة الكوفيد


6- تسدي تعليماتك لكل سفاراتنا للتنسيق مع المواطنين و الجمعيات لجمع أجهزة الأكسيجين و المعدات الطبية، تتكفل سفاراتنا بتجميعها ثم تتكفل طائرات عسكرية بنقلها

7- تعلن أنك ستستعمل صلوحياتك التشريعية و ستقدم مقترحات في قانون المالية حتى يساهم أكثر المستفيدين من الوضع في مصاريف مجابهة الكوفيد (بنوك، مؤسسات تأمين، شركات إتصالات، مصحات خاصة) و تدعو هذه المؤسسات إلى "تسبقة طوعا".

8- سيادتك و وزير الخارجية و وزير الصحة في جولة مكوكية للصين و الولايات المتحدة و إنجلترا و روسيا للبحث عن سبل جلب التلاقيح.

9- سد النهضة مهم، على عيني و راسي، لكن مبادرة في مجلس الأمن حول التلاقيح للبلدان الأكثر تضررا، ما كانتش تكون أولى؟ ما فاتنا شيء

10- إرهاق المؤسسة العسكرية، إستعمالها لغير ما دربت عليه، ممكن فقط لمدة قصيرة، إذا تم تجاوزها تعطي نتائج عكسية! مسح الجمهورية و تلقيح المواطنين هكة؟ و منظومة evax و الأولويات ؟ و  بإستعمال الجيش !! هذه أوامر مبهمة و من أبجديات القيادة العسكرية وضوح الأوامر، غير ممكنة، و ديما من نفس الأبجديات : إعطاء أوامر يمكن تنفيذها، وزيد تضر تماسك الدولة و مؤسساتها، لو كنت مكانك، الجيش حده اللوجستيك و التنسيق مع منظومة evax على هناتها، لا أكثر.

سيدي الرئيس، الأزمة حقيقية، و على عكس الأزمات الدستورية، مثل هذه الأزمات لا تحل بالديباجات و قصص دبشليم و بيدبا و العبارات الرنانة، هاني عطيتك 10 خطوات عملية، في نطاق صلاحياتك، تؤثر على المعنويات، على الواقع، على الوضع و عكس الكلام الهلامي، تجيب نتائج.

موش هكاكة يتحارب السيستام! السيستام الفاسد الكسول الأناني لا تزعجه بياناتك النارية و الإستعارات اللغوية و التهديدات الجوفاء، بل الخطط العملية المنهجية الواضحة.

هانا عطيناك أمثلة و ما تقولش شكون إنتوما و بنائب واحد و شباب ..قال المتنبي :
لَا تَحْقَرَنَّ صَغِيْرًا فِيْ مُخَاصَمَةٍ إِنَّ البَعُوْضَةَ تُدْمِيْ مُقْلَةَ الأَسَدِ

أمل و عمل فاهمة السيستام في العمق و تعرف كيفاش تهرسه تهريسا لأجل ما ينفع الناس.


إرسال تعليق

أحدث أقدم