يااااربّي!
رانا عايشين في بلاد فيها ناس مصدّقة اللّي النّوّاب كانوا ياخذوا في 150 مليون على الفصل ومصدّقة اللّي فمّه شكون خذا 1500 مليار يا أرحم الرّاحمين!
ياربّي راهي المصيبة موش غادي! راهي المصيبه أنّو حتّى حد ما سأل روحو علاش سيدهم كي عنده الأدلّة الكلّ ما عدّى حتّى واحد للمحكمة؟! علاش النّوّاب اللّي يحاكموا فيهم الكلّ عندهم كان أمر موحش وإزعاج راحة درا شكون يا ربّ العالمين!
ياربّي راهو ماشي فيبالهم اللّي خزنة البلاد موجودة في مدخل المجلس، وهم كلّ يوم وين يجوا داخلين أو خارجين يغرفوا ويعبّوا من فلوس الشّعب ياربّ العالمين!
ياربّي شوفلنا بقعه حتّى في أكرانيا ولا تكلّفنا ما لا طاقة لنا به يا أرحم الرّاحمين!
Tags
أخبار