ساعات الدنيا تعطينا دروس صغيرة برشة...في تفاصيل يومية عادية...اليوم أنا خارج من سوبرات صغيرة كنت نقضي منها كالعادة...وقدامها وانا ماشي للكرهبة عرضوني ووقفوني مجموعة شبان وشابات م الهلال الأحمر...يلمو في فلوس تبرعات لوضعيات إجتماعية معينة...قعدت نحكي معاهم ومديتلهم اللي كتب وقعدت شوية نستنى فيهم يكتبو في التوصيل...أحنا واقفين ونشوف في الطفلة اللي تخدم في السوبرات خالطة علي وفي يدها تاليفوني...نسيتو غادي في وسط زحمة الحرفاء...مدتهولي ومشات...!!!!
يعني لو كان ما وقفتش غادي شوية...كانت تنجم ما تلقانيش والا أنا نتفكر تاليفوني بعد ما نبعد...والا يتهز من غير ما تفيق بيه هي وتجيبهولي...سبحان الله ساعات عمل خيري بسيط برشة...تشوف الجزاء متاعو فورا وبسرعة...ع البلاصة...رد بالك تتردد في فعل الخير وقت تبدى قادر على ذلك...تنجم حتى وانت واقف تعمل في الخير...الوقفة هذيكة تمنعك من حادث مرور كان باش يصيرلك في الوقت هذاكة لولا أنك تعطلت...
الصدقة تدفع البلاء...فعلا
Tags
منوعات