القاضي وليد الوقيني : يفضح حركة النهضة و حمة الهمامي و كل الأحزاب التي أعلنت مقاطعتها لإنتخابات 17 ديسمبر.

كتب القاضي وليد الوقيني على صفحته الرسمية بموقع التواصل الاجتماعي فايسبوك التدوينة التالية: 

ثمة أحزاب تعبر عن استنكارها  لتنقيح  قانون  الانتخابات  بمرسوم  رئاسي   الي يسمعهم  اصدق  الي هوما  باش  يترشحوا  و عندهم  انصار  و حكاية. 

هذا نفس الاسلوب  الي كانت عاملتوا  برشا  احزاب  في عهد بن علي  الانتخابات  تقرب  و هوما اقولو باش اقاطعوا  

موش على حاجة هوما يعرفوا  رواحهم  كان باش يترشحوا  النتيجة المضحكة متاعهم   لذلك  اخليو  التجمع برك  يترشح  و امبعد  كي اجيب 90  % اقلك  الانتخابات  المدلسة . 

و هو بالمنطق انتوما  لا ترشحتوا  و لا امشيتوا  انتخبتوا بالطبيعة النتيجة  باش تكون كذلك  

بالطبيعة  الطريقة هذي متاع عام ثمانين  باش يعتمدوها  هالاحزاب  القْدم  

لذلك نقترح  على رئيس الجمهورية 

سن مرسوم  بموجبه  

الحزب الي اقاطع  الانتخابات  أو يحرض  على  المقاطعة اتم  حلوا  نظرا  لاضراره  بالعملية  الديمقراطية  ككل و تشويهه  للمشهد السياسي 

إلى جانب ذلك  كل حزب يصرح بعدد منخرطيه محينا   قبل الانتخابات  باش ما يبداش  حزب منخرطين  فيه   500  و الا 1000  يقعد ابرح  رام دلسوا  عليا الانتخابات راني مطلعتش راني مربحتش  راني عندي وزن   و يقعد يندب  علينا كل عام و يضرب في الفلوس  ملبرا  قال شنوه  معارض  

هكاكه  تقعد الحكاية  بين ثلاثة  أطراف سياسية  بالحق  انجموا  يحكيو  عالانتخابات  و نسمعوهم   و نقدروا  اراءهم  

البقية وهف  اهزكم  يا صمصارة  

و زيد باش المنظمات  و الجمعيات  الدولية  الزعيمة  في النديب  تندب  على قاعده  و اهزوا  العدادات و الندابات  متاعهم  الي عندنا اخدموهم  معاهم  طول مباشرة  يزي مال western union   . 

   

#وليد_الوقيني