اتحاد نقابات الحماية المدنية يرد على بيان حركة النهضة:.

اتحاد نقابات الحماية المدنية يرد على بيان حركة النهضة:

.

هذه تديونة نشرها الاتحاد على صفحته الرسمية بعد أن قرر عدم اصدار بيان في الموضوع:

"نعتذر من متابعي الصفحة لكن أحيانا نكون مجبورين بتطبيق مقولة خاطب القوم بما يفهمون .

 الرجال يعلم بيها ربي في نهار عيد اللي فوق الخدمة و اللي مرتاح ،الميداني و الإداري ناس بكل متجندة للخروج بأخف الأضرار في الكارثة المادية اللي حلت بأهالينا في سوق جارة بقابس و من بعد يجيك السلطان سليمان إن لم يكن" سنبل آغا " نحلف عليه راي دايرة بيه الجواري كيف هبط المقال هذا على صفحة حركة النهبة قال شنوة "تأخر فاضح لتدخل الحماية."

الحماية ما تدخل إلا ما يتم قطع الكهرباء مكانش تولي كارثة بشريةالرجال اللي تحكي عليها ولاءها الوحيد للوطن و عقيدتها حماية الأرواح و الممتلكات العامة و الخاصة بمعنى آخر تحب تركب برداعي عالحماية يبطى شوي و الرجال هذي تجبد مالعظم خاصة من ناحية النقص في التعداد و بالرغم من هذا واقفين لبلادنا في جميع الكوارث بلا من.

ملخص الحديث تعرف الفرق بينا أحنا و أنتوما؟

أحنا نخدموا لبلادنا بعرق الجبين و إنتوما تاجروا بمآسي الناس باش ترجع للكرسي .

عاشت  تونس حرة أبية أبد الدهر، عاش سلك الحماية المدنية العتيد.