القاضية كلثوم كنو لرئيس الجمهورية:سامحني سيد الرئيس راني أول مرة توجهتلك مباشرة خاطر خايفة تخلينا فضيحة قدام العالم . (صور)

نشرت منذ قليل القاضية كلثوم كنو، على صفحتها الرسمية بموقع التواصل الاجتماعي فايسبوك، تدوينة موجهة لرئيس الجمهورية قيس سعيد و فيما يلي نصها: 

كليمة للسيد رئيس الجمهورية 

  باش نكلمك بالدارجة الي يفهموها التوانسة  الكل. 

 راهو ما يجيش لا اخلاقيا ولا قانونيا  تتجبد أعراض الناس 

 راهو الشعب قالك  نحب قضاء نظيف و مستقل ما قلقكش  راني نحب قضاة نساء موش مفتضات البكارة .  

 ياسيد الرئيس  راك قاري حقوق وجريمة الزناء عندها أركانها   والنيابة ما عندهاش الحق تثيرها من تلقاء نفسها   والقضاء قال كلمته في الموضوع .

ٱش مجبد فيه انت  توة الموضوع هذا ؟؟؟؟!!!!!

 سامحني سيد الرئيس  راني أول مرة توجهتلك مباشرة خاطر   خايفة  تخلينا فضيحة قدام العالم بمثل التصرف متاعك هذا .