كتب الدكتور المثير للجدل زكريا بوقيرة على صفحته الرسمية بموقع التواصل الاجتماعي فيسبوك، مجموعة من التدوينات، وفيما يلي نصهم:
"الازمة جاية جاية لا مفر منها
الله غالب الخونة الي حكمو البلاد هوما الي وصلونا لهوني
توة ماعادش نجمو نهربو منها اما كان تسمعو كلامي وتحضرو رواحكم بش تتعدالكم باخف الاضرار ووقت يجد الجد تنجمو تعاونو عايلاتكم واصحابكم وجيرانكم الوضع في العالم تعيس وموش بش يتصلح في احسن الحالات قبل 2025 الوضع في تونس مزري البلاد على حافة الافلاس
حتى القرض الي خذاوه من عند صندوق النقد الدولي ما ينجمو كان يخلصو بيه كان الكريدي متع نفس صندوق النقد الدولي كل شيء بش يغلا في العالم ونحنا ما عادش عنا فلوس لازمكم تكونو حاضرين للانهيار الشامل للبلاد
معناها تكونو حاضرين لكل شيء بالرسمي كل شيء
كل واحد فيكم يخمم ويشوف روحو شنوما الحاجات الي حاجتو بيهم ويخليوه يعيش من غير ما يستحق حتى شيء من البرة
انا شخصيا
وتوة نحكي على رأيي
الحاجات المهمة وكيفاش بش نحضر روحي حسب تصوري هوما:
1- الدواء خاطر كان الدولة تفلس اول حاجة بش تتقص
وهاكم تشوفو شركات الادوية كيفاش بدات تسكر في فروعها في تونس
2- الماء على ما ياتي كان وصلنا لمرحلة الانقطاع متع الكهرباء وقتها لا عاد مكينات تضخ الماء ولا كماين يهزو ويجيبو الماء المعدني
3- الماكلة. وهوني لا تخمم لا شنوة البنين ولا شنوة تحب
هوني تخمم شنوة اللازم وشنوة الي يصبر
العجين بزااااايد فرينة سميد مقرونة كسكسي روز....
والconserve باااااااارشا conserve
خاطر الحاجة الوحيدة الي تنجم تصبر 50 سنة موش عام
4- اخر حاجة الفلوس
مرة اخرى نعاود نذكركم نحكي على رأيي الخاص وانت مسؤول على شنوة تعمل بفلوسك اما انا ما تعطيش ثقة لمؤسسة تنجم تفلس وتفكلي فلوسي وقت نحتاجهم
هذاكا لواش شطر فلوسي cash والباقي Bitcoin وكان جاء عندي اكثر نشري زادة ذهب
نشالله ما يصيرش الي في مخي
هذا شنوة نتمنا
ما نحبش العباد تجوع
ما نحبش العباد تتعذب
تي اصل العركة الي عندي مع الدولة خاطر ما نحبش العباد تتعذب
في الازمات لازم تكون حاضر للاسوء وتدعي بش ما يصيرش
اما لازمك تكون حاضر"
حيث كتب :"اول مرة منذ 2011 نحس في روحي نجم نتوقف في اي وقت نشالله كان صارت تتذكرو ان الي عملتو الكل راهو على خاطركم.
وفي تدوينة ثانية نشر زكريا بوقيرة : نظام سعيد بدا يكشر على انيابه القذرة
ليوم تم اختطاف ...اي اختطاف صديقنا الناشط سيف عيادي عضو الرابطة التونسية للدفاع على حقوق الانسان
هبطوه من التاكسي ورماوه في كرهبة symbole نصف ساعة بعد ما كان حاضر في ندوة صحفية بخصوص قضية الشهيد عمر العبيدي
سيف هو اول الضحايا وفي الاسابيع القادمة بش يكثرو الاقافات والاختطافات متع النشطاء
Tags
مقالات رأي