كريم الغربي ينهار باكياً :"ملّي توفى بابا مانيش نفس الشخص.. مقهور ما خلطش عليه كي مات".. تمنيت نبوسو.. (فيديو)

يحلّ الممثل الكوميدي كريم الغربي ضيفا بعد قليل في برنامج فكرة سامي الفهري على قناة الحوار التونسي الليلة السبت

و أظهر الإعلان التشويقي للحلقة بكاء هذا الأخير و تأثره أثناء الحديث عن والده الذي توفي مؤخرا معبّرا عن حزنه و لوعته :” انا مش نورمال ملي توفى بابا، ما ترانيش نفدلك ونلعب ملي توفى بابا مانيش نفس الشخص.. ماخلطتش عليه لا بستو ولا ريتو .. ما حكيتش معاه”.

كي بابا تعب وقفت العروض خاطر معادش فيها خدمة، ... قاعد في البيت في لوتيل ... دق عليا خويا قالي كريم نمشيو للهوارية قلي أمي قتلي بوكم معاش يتحرك... بابا مشى يعوم مع بنات خويا ... الطبيب عطى دوا لبابا من غير تحليل... بابا مشى يعوم حس تخشخيش ماء في وذنيه... 

بابا بقى ماشي جاي عالطبيب كل مرة يعطيه دواء و بابا موش قاعد يتحسن... سبيطار الهوارية علقو لبابا السيروم وهو مرهوج و قالولو روّح... ثما سوء تقدير للحالة متع بابا... ثما الدكتور مشعل بن علي نشكرو قالنا بابا في مرحلة خطيرة خاطر وصل للغيبوبة... ماخلطتش على بابا و ماحكيناش و ماشبعتش بيه و حبيت نعملّو باسبور ونسافرو جميع و نحوسو لكن مخلطتش عليه...

 نحس في روحي تبدلت و معاش يقلقني شي ... ظهري معادش محمي و مخيبها المرواحة بعد مادفناه... فما لقطة في فيزا فيها شخصية الأب و ضرورة تعبيرنا على حبنا ليه و شافها بابا في الكوليزي و بكى ... وبقيت ندخل في هيستيريا وين نمثلها... حلقتي معاه منجمش نتفرج فيها...

و يذكر أن والد كريم الغربي توفي قبل خمسة أشهر تقريبا و كان قد نشر الفنان ذاته تدوينة في هذا السياق :”الله اكبر بابا مات تشويت يا ربي .. تشويت”.