وجّهت الإعلامية التونسية ريهام بن علية عبر إتصال هاتفي في برنامج ويكاند عالكيف رسالة شكر لكل من راسلها و هنّأها بقدوم مولودها الجديد “يوليوس قيصر الشابي”.
و عبّرت ريهام عن سعادتها قائلة :”نحب نشكر برشا على الكم الهائل متاع الناس إلي بعثولي مساجات إلي نعرفهم وإلي مانعرفهمش وإلي كلموني بالتاليفون وإلي زاروني في المصحة وإلي جاتني للدار… بصفة عامة أنا شخصيا نحب نقسم مع لعباد فرحتي ونجاحي والموجات الإيجابية الكل ونبعد ديما على السلبية والحاجات الخايبة “.
و أضافت معلّقة على الانتقادات التي تسبّب فيها اختيار إسم إبنها :” أنا كي اخترت الاسم أنا وعلاء كنت اعتقد أنو اسم عادي تاريخ كيما نقولو حنبعل وعليسة والكاهنة.. اخترت يوليوس قيصر إلي هو قيصر روما مفكر وسياسي وشاعر تخيلت أنو العباد الكل عندها فكرة على اسم يوليوس قيصر واستغربت الحق ردود الفعل كيفاش كانت”.
و ختمت حديثها عن إختيارها لإسم ابنها :” ممكن ساعات حاجات تشوفهم أنت بسيطة الناس لخرين يشوفوهم ياسر غريبة وأنا نشوفو اسم عادي وتاريخي ماحبيتش نختار أي اسم واسم يكون عندو معنى وهو عندو برشا معاني”.
Tags
منوعات