بالفيديو / مريم الدباغ تدخل في حالة هستيرية على المباشر :"داري تسرقت يا توانسة وهذوما الي سرقوها.. خانوا الماء والملح"

شاركت الأنستغراموز التونسية مريم الدباغ مقطع فيديو عبر حسابها الشخصي انستغرام تكشف من خلاله عن تعرضها إلى السرقة من طرف كل من المعينة المنزلية والعاملة المسؤولة على كلابها.

و أكدت بأنها تفطنت مؤخرا أنها تعرضت للسرقة بعد ملاحظتها إختفاء النقود بالعملة الأجنبية كانت تخبؤها في البيت و بعضا من ملابسها الباهضة. 

وقالت :"مانيش لباس.. داري تسرقت يا جماعة عندي زوز نساء يخدمو عندي واحدة تلم الدار و الأخرى تخدم نونو تتلهى بكلابي صغيراتي .. هربت وقت شلقت بالفلوس مش موجودة عملتلهم عركة و خوفتهم ماحبوش يقولو شكون..".

وأضافت :"تسرقت في داري .. وحدة طردتها والاخرى هزت دبشها و هربت.. حبيت نقول الي تجيبو عباد لدياركم اعرفوا شكون تدخلو لدياركم توانسة ولا أفارقة ... ملا تونس والله توجع القلب الواحد توكلو و تشربو و بعد يسرقك".