و كتبت نعيمة الشرميطي على صفحتها الرسمية بموقع التواصل الاجتماعي فيسبوك مايلي:
توضيح : حكيت في ستورياتي على أنستغرام على المحتوى الإعلامي متاع حصة إعلام المزابل لأمين قارة و هاك الثلاثي الbimbo اللي يفدلكوا بكلمة بايرة و صاحبك تخدم به و جايبين مشعوذ دجال يبيضوا فيه في بلاتو تلفزي ...
نحب نقول راهو اللي صار انحطاط فكري و حط من صورة المرأة في وقت تتعرض فيه المرأة التونسية إلى عنف كبير و الإعلام مطالب بالدفاع عن المرأة بصفة عامة و لا يجب السقوط في خطاب ميزوجيني تحقيري ضدها ....
كما أطالب قناة #الحوار_التونسي : أولا بسحب الحصة المذكورة بتاريخ 28 سبمتبر 2023 لما تضمنته من خروقات
ثانيا : طرد الثلاثي حنان العش و بية الزردي و رانيا التومي اللي شوهوا صورة المرأة و اللي عاملين البلاتو بش يصفيوا حساباتهم مع ناس معينة ، يجيبهم قارة بش يحققوا visibilité و يدخلوا بيها فلوس على أنستغرام
ثالثا : اعتذار قناة الحوار التونسي عن المهزلة الإعلامية و نحب نقول راني أكثر وحدة ندافع على حرية التعبير و اللي قاعد يصير في البرنامج ليس بترفيه أو إعلام بل هو télé poubelle
رابعا: أدعو زملائي و المجتمع المدني إلى امضاء عريضة لوقف موضة #الكرانكة ( كرونيكور) و هذا الزحف و الغزو من قبل الدخلاء و الدخيلات في وسائل الاعلام ( تلفزة و راديو ) و الحد من هذه الظاهرة الخطيرة جدااااا و التي قضت و أحالت الصحفيين على البطالة بإستثناء الناس المغرومة و اللي تنتج محتوى إعلامي فيه أبسط مقومات أخلاقيات المهنة .
Tags:
منوعات
