طريقة تحضير يويو تونسي.

طريقة تحضير يويو تونسي:

المكونات :

3 بيضات - 3 مغارف كبار سكر - 1 ياغورت طبيعي - 1 كيلة زيت - 1 كيلة حليب - 1 سكر فانيليا - 1 خميرة قاطو - رطل فارينة - زيت للقلي

للشحور : 

2 كيسان سكر - كأس و نصف ماء - عصرة قارص

الطريقة :

*تركض السكر و البيض و السكر  فانيليا و بعد تزيد الياغورت و الحليب و الزيت و تخلط... 

*تزيد الفارينة و الخميرة بالشوية مع التحريك... 

*بالنسبة للفارينة باش تخلي منها تقريبا 50 غ...

* العجينة لازم تكون تتلصق و طرية... تلفها و تخليها ترتاح 15 دق و بعد تاخذ العجينة وترش باقي الفارينة و تعجنها شوية...

* تحلها بالقلقال و تشكلها و بعد تقلي اليويو في الزيت على نار متوسطة مع التقليب المستمر حتى ياخو اللون الذهبي...

*بالنسبة للشحور تحط الماء و السكر و عصرة القارص في طنجرة صغيرة و تخليهم يطيبو... 

*وقت يغلي تحسب 15 دق و تطفي...

* تشحر اليويو و تنجم تزين بالجلجلان أو الفستق المرحي و صحة و بالشفاء

ملاحظة : 

بالنسبة الزيت و الحليب تكيل بالياغورتة الفارغة