دعواتكم له بالشفاء : الممثل القدير عيسى حراث في حالة صحية حرجة و زوجته توجه نداء إستغاثة عاجل

دعواتكم له بالشفاء : الممثل القدير عيسى حراث في حالة صحية حرجة و زوجته توجه نداء إستغاثة عاجل . 

زوجة الفنان القدير #عيسى_حراث تطلق نداء استغاثة بسبب حالته الصحية وتطلب التدخل العاجل:

_ سي منير العرقي بعثتله الصباح الدوسي متاع عيسى حراث وعدني باش يوصله لوزارة الثقافة ويحاولوا يرقدوه في المستشفى العسكري 

_ أنا فقط نحب في أسرع وقت لأنه الحالة متاعه ماتنتظرش 

_ أنا يلزمني 24 ساعة بحذاه في الدار وهو تاعب تاعب 

_ مخه تعب ، مانجمش نوصفلك الحالة 

_ماذابيا الوزارة تسرع بأي طريقة 

_ توا في الدار ، واقترحو عليا ندخلو لسبيطار صفاقس ولكن يلزمو المستشفى العسكري وهو دوسي غادي ويعرفو وضعيته 

🔷 مشينا برشا مرات وعندنا 3 شهور نجري أنا وعيسى قبل ما يمرض نحبو نقابلو الوزير ونعملو أي حاجة على وضعيته ولا واحد سمعنا 

🔷 فنان ملوح هكاكا في دار ، لبارح صارتلو حالة مانجمش نوصفها على لحظة خرجت للفارمسي باش نجيبلو دواء باش يهديه 

🔷 أنا معادش نجم ننتظر حتى لحظة نفسيتي تاعبة وهو أتعب مني 

🔷 قاعد يتخيل ويشوف في عباد ويحب يهرب منهم 

🔷 أنا ماحبيتش نهبط على فايسبوك الوضعية ، مانحبوش الفضايح ونحب الوزارة تدخللنا اليوم قبل غدوة 

🔷 أنا مانقدرش نهزو للكلينيك وأنا معادش نتحمل

الفنان القدير #عيسى_حراث ممثل عملاق من طينة الكبار. بدأ في ستينات القرن الماضي مع فرقة الكاف للمسرح كما عمل في المسرح الوطني وفرقة مدينة تونس و في المسرح القومي العراقي ، 

وشارك في أكثر من 50 عملا فنيا بين مسرح ومن أهم أعماله مسرحية "عطشان يا صبايا" و" علي بن غذاهم باي الشعب " علما بأنه شارك في عشرات المسرحيات الناجحة وفي السينما شارك في 5 أفلام من سنة 1986 إلى سنة 2006 هي "أميرة والوحوش" سنة 1986 و"طفل اسمه يسوع " 1987 وعصفور سطح سنة 1990 و"قوايل الرمان" سنة 1999 و"التلفزة جاية" سنة 2006، 

كما شارك في فيلم باستاردو لنجيب بالقاضي في سنة 2014 وقد أدى فيه دور صالح الأب المتبني للبطل محسن أو عبد المنعم شويات وقد نال هذا الفيلم العديد من الجوائز والتكريمات. وفي التلفزة شارك في أعمال لا تعد ولا تحصى تميز وتألق فيهم. كما شارك عيسى حراث في عشرات الأعمال الدرامية الإذاعية. 

يمر الفنان القدير هذه الفترة بوضعية صحية صعبة تستوجب تدخل وزارة الثقافة في ذلك ... تمنياتنا له بالشفاء العاجل.