بالدموع / جعفر القاسمي يرثي زميلة الراحل السعدي الزيداني و وليد الزين باكيا يكشف تفاصيل اللحظات الأخيرة .

#وليد_الزين بتأثر كبير على ديوان اف ام :

"كنا مع بعضنا عايلة في ديما لباس وفيسع نتغشوا وفيسع نرجعوا.. السعدي كنت الفترة الأخيرة ديما نسأل و نمشي نطل و كان عندي امل انو يبرا و يرجعلنا..

 السعدي فيسع مرض وفيسع مشى وحب يسكر على روحو في مرضو و حتى كي زرتوا معرفنيش ،المرض تعبو و خلاه حتى يفقد الذاكرة ساعات.. ا

لله يرحمو و يصبر أهلو و إن شاء الله في الدنيا الأخرى يشوف ولدوا زكرياء كيما كان يتمنى "

جعفر القاسمي في برنامج #ويكاند_عالكيف مع إيمان السكوحي:

الله أكبر ، انا لله وإنا إليه راجعون ... الله يرحم السعدي الزيداني لحقيقة وجيعة كبيرة برشا إن شاء الله ربي يرحمو وينعمو ويصبر عايلتو ... اللهم لا اعتراض سنة الحياة والناس الكل باش تموت ، الدايم كان وجه ربي الحي القيوم ... السعدي الزيداني هو أستاذ مسرح متخرج من المعهد العالي للفن المسرحي وكان من خيرة الطلبة والسعدي من خيرة الكوميديين ... السعدي صديق جميل وطريف جدا في الحياة محب للحياة ، ض

حاك شهلول ، حنين كريم وكل ما وين نعملوا عرض في الجنوب نتعداو على بوزيد نعملوا وقفة على بوزيد في دار السعدي يستقبلنا بحفاوة...

 فقدانو موجع جدا وان شاء الله ربي يصبر عايلتو خاصة زوجته وابنائه والناس إلي تحبو الكل ... الله يرحمو ، الدايم ربي والكل يقعد حديث لبارح بحذانا يضحك ويلعب .. ا

لموت باش الانسان يتفكر ربي وسعدك يا فاعل الخير ... السعدي محبوب وخلى أثر طيب وحاول يضحك ويسعد الناس ... باش يخلي علينا بلاصة كبيرة برشا