عبدالرزاق الشابي في برنامج #استديو_الأحد ٧لى قناة تلفزة تي في:
أنا قلبي يوجعني لما نسمع فنان عطى للفن أكثر من 50 سنة والفنان هذا يعاني من مرض خطير عندو تقريبا عام ونص ... حاولنا نبلغوا صوته وتكون فما تدخلات ولكن مكانش فما تفاعل ...
أجرى صالح الفرزيط يوم الجمعة عملية جراحية دقيقة على الرأس ، كي نقول عملية جراحية على الرأس نفهمو خطورة المرض إلي خلاه يبتعد عن الساحة الفنية طيلة هذا العام كامل ...
المرض متاعو استوجب مصاريف كبرى بعشرات الملايين ولم يقع مساعدة هذا الفنان على الأقل في العلاج مجانا ، هو موجود في المستشفى العسكري ويخلص الفاتورة متاعو من عملية وأدوية
وصور ... أنا حاولت من عمناول للسنا أني نبلغ ونتكلم على مرضه ولحقيقة الاستجابة لم تتم ...
اليوم الصباح كلمني وحالته مستقرة وطمني ويقلي نسبة النجاح متاع العملية 100%
ابنة صالح الفرزيط في برنامج #يامرحبا مع هالة الذوادي :
بابا أسطورة الفن الشعبي ويعيش في حالة إجتماعية مزرية ... احنا نحكيو على أسطورة الفن الشعبي معادش باش يجي فنان لتونس شاعر في الفن الشعبي يلحن في الفن الشعبي ويغني في فن الشعبي ويموت بابا بعد عمر طويل ربي يفضلهولنا ونموتوا احنا و موش باش تموت " ارضي علينا يا لميمة" و موش باش تموت "نيران جاشي " ,
احنا باش نخليو لتونس تاريخ من فن الي يلزم توا وزارة الثقافة تعطي للفنان قيمتو الفنان اليوم يلزم يعيش عيشة كريمة معناها كي صالح فرزيط قدم الفن هذا الكل واليوم عمرو 71 سنة حركتو قلت بعد المرضة يعيش في حالة اجتماعية مزرية والله شيء يبكي بالنسبة ليا مأساة احنا نحكيو على رمز من رموز الفن الشعبي"
Tags:
منوعات