ليلى ‏طوبال ‏: ‏حركة ‏النهضة ‏و ‏راشد ‏الغنوشي ‏أخطر ‏على ‏تونس ‏من ‏فيروس ‏كورونا

نشرت اليوم الإثنين 24 أوت 2020 الممثلة المسرحية   ليلى طوبال على صفحتها الشخصية بموقع التواصل الاجتماعي فايسبوك تدوينة شبهت فيها  حركة النهضة بفيروس كورونا التي حلت  بتونس منذ عام 2011 وهي أشد خطرا من فيروس كورونا على التونسيين.
و في ما يلي نص التدوينة كاملا :

حيث كتبت تقول :" الغنوشي قال إلي الكورونا رجعت على خاطر إقالة المكي… الكورونا جات لتونس من الأحد الأسود 31 جانفي 2011 (تاريخ عودة الغنوشي إلى تونس)… عاهدنا بأرواحنا ما زلنا نبننّوا بالحلمة… حلمة بنينة ألوانها شغل حرية كرامة وطنية… ياخي عدينا عشرة سنين هزّ ساق تغرق الأخرى"

وأضافت  ليلى طوبال :"كورونا اغتالت شكري والبراهمي وذبحت الجنود ولغّمت الشعانبي وسفّرت الآلاف لسوريا… كورونا برّكت اقتصاد البلاد وفرّغت الموارد… كورونا زادت في عدد البطّالة ركبوا قوارب الموت وتعشّى بيهم الحوت… كورونا تقتل أيوب الصغرون وتقتل سارة وتقتل آدم وقيس… كورونا تتعشعش من أكداس الوسخ الفايض في الشطوط في الكياسات في السبيطارت في المدارس في المطار في الادارات… كورونا الّي هججّت العباد من بلادهم الي مستحقّلتلهم"


وتابعت طوبال :"كورونا العطش الكافر والجوع الكافر والمرضى الي ما لقاوش دواء… على آنا كورونا تحكي يا غنّوشي؟؟؟ الّي عملتوه في البلاد أخطر فيروس."



وختمت ليلى طوبال تدوينتها بالقول ان :" 10 سنين تحكموا والبلاد كل يوم تزيد فساد وخراب وما زلت عندكم الجرأة والرقعة والبهت تتكلمّوا على “مصلحة” تونس ومتصوّرين الي خيوط اللعبة ما زالت بيديكم… ما زلتوا تصدّعوا في وذنينا بكذبكم المفلّق ونفاقكم المبتذل… البلاد ماعادش تحمل حتى شي… البلاد بالسيف تهزّ في النفس كيما أيوب الصغرون… أيوب مشى عصفور جنّة واحنا جنتنا هالبلاد وموش باش نخلّيوها تموت."

0/تعليقات/Comments

أحدث أقدم