"في البيان الأخير لوزارة الصحة التونسية تم اكتشاف 1291 حالة جديدة وقد تم الإعلان عن 32 ميت.
شيء يوجع يوجع يوجع هذه الدولة قد تخلت عن شعبها وقد كتبت عليه الموت الاليم ...كتبو علينا الحزن والالم والفراق...علاش علاش علاش، علاش كي وصلنا لصفر حالة لمدة شهرين جاو حلو الحدود؟ما فيبالهمش؟ الشعب الكل في بالو, والفخفاخ والمكي واللجنة العلمية ما فيبالهمش انو كي يتنحا الحجر الصحي الإجباري بش يرجع الفيروس؟
والرئيس موش من مهامو الدستورية الحفاظ على الأمن القومي؟ فما حاجة امن قومي اكثر من هكا؟ باهي يا سيدي كي غلطتو وما فيبالكمش. ليوم كي عاود إنتشر الوباء علاش ما توقفوهش؟علاش همكم الوحيد المناصب والمال والسياسة؟علاش ما تعطيوش قيمة لروح الانسان؟علاش تسيبو في الناس للموت؟.
علاش في مارس اعلن الحجر الصحي ب85مريض و3 موتى وليوم ب17405 مرضى و246 ميت ولتوة لا اعلنتوه؟..شاورتونا قبل ما تتخذوا سياسة الي سميتوه تعايش؟ في بالكم بالرسمي بش نسكتولكم؟ في بالكم بالرسمي بش نقبلو قتل امهاتنا وابائنا؟..في بالكم بالرسمي مناش بش نتصداو للابادة الجماعية الي تحضروهالنا؟ ...حد مخكم بش تسكتو الشعب بلوغة اطراف خارجية ومؤامرة والتشويه لشكون يفضحك فيكم؟
لا ماناش ساكتين!لا مناش مسامحين!لا مناش مسلمين!لن نصمت امام المجزرة.سنخوض المعركة الى آخر لحظة. نحنا ميتين ميتين. البحر أمامنا والعدو ورائنا. مالا خلي نموتو ونحنا نحاربو. والي بش يصير خلي يصير.صبر هذا الشعب بداء يوفى.كونوا شوية انسانيين! اعلنو الحجر الصحي الشامل اليوم قبل غدوة خلي نمنعو الي نجمو نمنعوه.اصدقائي، رفاقي، شعبي، كونوا حاضرين للتصعيد.على قريب سنلزم ان نخرج المعركة من الافتراضي الى الواقع.
كونوا حاضرين....
#حجر_صحي_شامل
J-8
Tags
أخبار