وفيما يلي نص التدوينة:
"قالك حجر صحي شامل مع حضر تجوّل !
على أساس الحجر الشامل في العادة يبدا في النهار و في العشية يولي هابي هاور نخرجو للشارع نشطحو في كرنفال!!..حجر صحي شامل ب 4 أيام ، لكسر حلقة عدوى فيروس تظهر أعراضو بعد فترة معدّلها 5 أيام ! هذا كان ظهرت ، و ما تعداش بالساكتة من مصاب asymptomatique !
لا وزيد و بعد هالكم الهائل من البهامة و التسطيكة و قلة الحياء و الإستبلاه متع الكمشة أوباش الي تقرّر في مصيرنا ، مازلت نسمع و نشوف في تعاليق من نوع الشعب مش واعي و التونسي مستهتر و بيه و صفتو و نعتو !
ياخي ما تحشموش ؟! التونسي يمشي يقضي في الويكاند ايه نعم يسلت على أيامو بقية الأسبوع ، ويقضي ليلة راس العام و ليلة العطلة و ليلة الفيشتة، خاطر التفرهيدة الوحيدة الي خلاوهالو حكومات السراق هو الرهج و التمرميط في الكوجينة !
آش تحبوه يعمل و قت تسخطوه بحجر ليلة صلالله؟! كيفاش يتصرّف فسرولي يا واعيين يا بتوع المدارس ؟ كيفاش يروح الطالب لبلادو ؟ و لا تحبوه يعدي الحجر مع خنفوس المبيت؟! باش ما يصيرش إكتظاظ في النقل العمومي الرائع الي ما فسّدو كان المواطن؟!!
باهي شكون يضمنلو نهار الأحد نفس الجهبذ الي خذا القرار الغبي ما تزيدش قريحتو الصماء تجود علينا بتمديد مثلا ؟!
و الي عندو صغار و عايلة مثلا يحطلهم الحصى في الطنجرة باش ما يصيرش إكتظاظ في المغازات و ترضى عليه حكومة الفشل و قطيع الأبواق متاعها؟! ...فضلو جاوبوه الشعب !ولا زعام كان تمسحو في عفنكم وفشلكم في الشعب ؟! قلتولو الشعب شكون باش يسكّر و شكون باش يحلّ ؟حجر شامل و المقاهي بالواقفة؟ تتمسخرو على شكون؟ باهي التلامذة ترجع تقرى نهار 18 ولا نهار 24 ؟ ...فسرتولو حاجة بخلاف الجملة الغبية البلهاء متع الحجر والحضر يا حُضّر من إعلام و حكومة و لجنة علمية و سخط على روسكم ؟؟ ملا قلة حياء ! الكلها واعية و الكلها تصلي على طرفها و المشكل هو الشعب !
ماتحشموش 2
باهي يا سيدي وينو الرئيس؟!
مش في حالة طوارئ أحنا و نورمالمون صلاحياتو منفنفة؟! ولا بحر قرطاج نسّاه في أمبوتياج المنيهلة ؟
#المشكل_هو_إستبلاهكم_لينا
#اللجنة_العلمية_لكسر_حلقة_كرايمنا
#هنيئا_للفيروس
#الشعب_يريد_التبوّل_على_المخيّر_فيكم
#تعرّضولو
#بيزو
Tags
أخبار