"كلهم كيف كيف ما يخممو كان في رواحهم ما يحبو كان مزيد من السلطة
اما الشعب حد ما يخمم فيه
اخر اهتماماتهم
الشعب مطيش راس راس مع اخطر وباء منذ قرون ولا واحد خمم فيه واقترح إجراءات بش يمنعو.
البارح 93 تونسي مات.
معناها 93 عايلة في بقعة ماهي ملمومة فرحانة يضحكو ويفدلكو على طاولة رمضان ، 93 عايلة البارح هبط عليها الحزن والالم والوجعية.
موش حرام بربي؟
علاش نحرمو في صغار من آبائهم علاش نحرمو والدين من ولادهم علاش نحرمو في الناس من أغلى ما عندهم.
موش مكتوب علينا نعيشو مع الوباء حياتنا الكل
الحلول موجودة وشطر الكرة الارضيّة الي اتبعتها رجعت فيها الحياة.
نجمو نرجعو لحياتنا بلاش مرض بلاش خوف وبلاش حزن
وقيت ناقفو للمجرمة الي شادين الحكم وبش يهزونا الكل للهاوية
كل نهار نخصروه نخصرو معاه عشرات كان موش مئات الأرواح الي بمال الدنيا الكل ما يرجعوش
#حجر_صحي_شامل
Tags
أخبار