رياض ‏الجراد في ‏رد ‏عنيف ‏ على ماكينة حركة النهضة وطابورها الخامس وباراشوكاتهم..العمالة خيانة و ليست وجهة نظر. ‏

دون المحلل السياسي و الكرونيكوز بقناة التاسعة رياض جراد على صفحته الرسمية بموقع التواصل الاجتماعي فايسبوك مايلي:

الماكينة متاع النهضة و طابورها الخامس و البراشوكات قلك المكالمة اليوم بين رئيس الدولة قيس سعيد و كامالا هاريس تطرقت فيها الأخيرة لضرورة تركيز المحكمة الدستورية، وهو ما لم تتعرض له رئاسة الجمهورية في بلاغها.

بالطبيعة يكذبوا، لكن ميسالش لنفترض إنو كلامهم صحيح..
معناها يصدقوا الأمريكان و مصدرهم تغريدة على تويتر و ما يصدقوش دولتهم و رئاسة الجمهورية!!!

المشكل إنو المخبرين و قوادة السفارات درجة عاشرة على إختلاف مشاربهم اللي عايشين العمالة في أمخاخهم و ما عندهمش ذرة إيمان بالسيادة الوطنية في قلوبهم و عقولهم ماشي في بالهم الأمريكان ربي باش نعبدوه واللي يسطروهولنا هوما أحنا، خليني نقول كتوانسة، يلزم نطبقوه والفم مسكر.

يا ناس رانا وصلنا وقت اللي كل مرة يطلعلك شلاكة مالشلايك يقلك هاو الأمريكان قالوا.. هاو السفير الفلاني قال.. هاو الخارج قرر.. نفس الشي قالوه وقتها في علاقة بالتحوير الوزاري و غيرو و غيرو!

قيس سعيد إنتخبوه التوانسة وهو مسؤول فقط أمام الشعب التونسي لا غير، وهو يعلم حجم عمالتكم و يعلم جيدا ما لا تعرفه عليكم حتى أمهاتكم.
العمالة خيانة و ليست وجهة نظر.